影片
更多
2013-08-04
287 瀏覽
上網買左團購餐，原價$700幾既餐唔駛$250就買到，重要菜飯豆漿任飲任食，抵到爛。雖然係咁，overall整體既感覺只係一般，無錯種類真係夠晒多，但係味道只可算叫做勉強合格！餐廳位於北角城市花園住宅地下，由炮台山地鐵站行過去大約十分鐘到。餐廳地方唔算好大，加上時間尚早，一入到去連埋自己只有兩枱客，侍應亦都非常casual地睇緊電視吹緊水，無乜時間招呼你，hea到無輪！坐低大約十分鐘到，終於奉上跟餐既豆漿。比想像中重要甜，不過勉強可以接受到，之後冷盤、主菜等等陸陸續續黎到……菜飯+酸辣湯︰菜飯老實講好一般，無乜野值得講。酸辣湯就真係好難飲！雖然料落得都幾足，但味道偏辣，好似唔記得落醋咁，要落返少少table vinegar先至叫做勉強入得落口！雞絲粉皮︰粉皮做得唔錯，煙煙韌韌咁，溝埋麻醬之後整體口感唔錯。不過，雞絲既肉質偏韌，咬既時候口感差左少少，應該都幾難消化！花雕雞︰份量比想像中要大，D雞雖然切得有D求其，但係好入味，有少少花雕酒既味道之餘又唔會有種浸得太耐over左既感覺！陽春麵︰普通麵一個，但麵身整體尚算爽口，湯底亦唔錯！小籠飽︰皮略厚，但肉質唔錯，咬落去肉汁「咇」晒出黎，收貨
坐低大約十分鐘到，終於奉上跟餐既豆漿。比想像中重要甜，不過勉強可以接受到，之後冷盤、主菜等等陸陸續續黎到……
菜飯+酸辣湯︰菜飯老實講好一般，無乜野值得講。酸辣湯就真係好難飲！雖然料落得都幾足，但味道偏辣，好似唔記得落醋咁，要落返少少table vinegar先至叫做勉強入得落口！
雞絲粉皮︰粉皮做得唔錯，煙煙韌韌咁，溝埋麻醬之後整體口感唔錯。不過，雞絲既肉質偏韌，咬既時候口感差左少少，應該都幾難消化！
花雕雞︰份量比想像中要大，D雞雖然切得有D求其，但係好入味，有少少花雕酒既味道之餘又唔會有種浸得太耐over左既感覺！
陽春麵︰普通麵一個，但麵身整體尚算爽口，湯底亦唔錯！
小籠飽︰皮略厚，但肉質唔錯，咬落去肉汁「咇」晒出黎，收貨！
燻魚︰喜出望外之選！魚整得非常入味，有種燻過既口感，好似罐頭豆豉鯪魚既feel，激讚！
山東手撕雞︰全晚最好食既一味菜︰雞既皮整得非常鬆脆，豉油入味之餘又唔會太鹹，正！雞肉方面，一食就食得出真係逐件用手撕出黎既，唔係求求其其「meat」到一忽一忽就算！味道方面唔太鹹剛剛好，入味之餘又唔會太鹹。
賽螃蟹︰味道唔錯，但係份量偏少，同埋D蛋煮到有D碎，散「sau sau」咁，口感差左少少！
糖醋魚塊︰個sauce好甜，落糖方面應該重手左少少，再加埋罐頭菠蘿本身既甜味，令到有「甜到嘔」既情況出現！魚塊方面，好似「yarm」得太多粉去炸，一入口成口粉咁，不過魚既肉質以平價貨黎講算係唔錯，勉強比佢合格啦！
Overall整體都叫做收貨啦，唯一有D唔滿意係D侍應亞姐既態度，實在太hea喇！或者係因為家庭式經營既關係，好多野都係求求其其，是是但但就算，不過咁都唔代表可以做野咁馬虎架！Location已經判左呢度一半死刑，如果要吸引生客專登入黎支持幫襯的話一定要用心做好每一樣野先得！
張貼
