影片
更多
2010-02-26
16 瀏覽
今晚同朋友食飯，我負責諗食咩野，諗左好耐都唔係好諗到，開頭驚佢食日本野食到好厭，不過後來問佢佢都話ok，所以我就決定左黎呢間小平津啦，反正未食過。我即日先打黎訂位，都無問題。不過我大概 7:15去到既時候，佢地好似有D混亂，唔係好知帶我去邊張檯咁，又話要CHECK黎CHECK去，最後由另一位好似好熟手既姐姐帶左我地去一張較近門口既檯度。放低Menu慢慢睇下食咩好，D服務生都無催我地叫野食，由得我地慢慢睇。之後黎幫我地落單個位哥哥幾有禮貌喎，樣子好親切，而且又會好小心提醒客人唔同既野食味道係點，真係好人。不過講真，食左幾樣野，我都真係覺得比較普通，平平無奇，唔係特別好食。我最鍾意食既就係雞泡魚乾，所以通常見到我都會叫的，今晚亦叫了一客。這裡的雞泡魚乾個人覺得也不錯，切得頗幼細，較為軟身，唔會硬到不像樣，甜甜地，點埋D沙律醬就好味道啦。另外叫左個牛舌串，這個也不錯，一串三塊，加了些檸檬汁，酸酸的幾好食。燒得幾軟身，唔會好靱，這個也是可以的。另外叫了一個厚燒玉子，呢個同我想像中真係有D出入。佢黎到既時候個樣已經唔多討好，即係感覺不太靚。食落去係鹹味的，嗯..... 好似鹹左少少喎。有蛋味，不
不過我大概 7:15去到既時候，佢地好似有D混亂，唔係好知帶我去邊張檯咁，又話要CHECK黎CHECK去，最後由另一位好似好熟手既姐姐帶左我地去一張較近門口既檯度。放低Menu慢慢睇下食咩好，D服務生都無催我地叫野食，由得我地慢慢睇。
之後黎幫我地落單個位哥哥幾有禮貌喎，樣子好親切，而且又會好小心提醒客人唔同既野食味道係點，真係好人。不過講真，食左幾樣野，我都真係覺得比較普通，平平無奇，唔係特別好食。
我最鍾意食既就係雞泡魚乾，所以通常見到我都會叫的，今晚亦叫了一客。這裡的雞泡魚乾個人覺得也不錯，切得頗幼細，較為軟身，唔會硬到不像樣，甜甜地，點埋D沙律醬就好味道啦。另外叫左個牛舌串，這個也不錯，一串三塊，加了些檸檬汁，酸酸的幾好食。燒得幾軟身，唔會好靱，這個也是可以的。
另外叫了一個厚燒玉子，呢個同我想像中真係有D出入。佢黎到既時候個樣已經唔多討好，即係感覺不太靚。食落去係鹹味的，嗯..... 好似鹹左少少喎。有蛋味，不過唔算濃，所以呢個覺得麻麻地好吃。我們再叫了一客餃子，這個是數樣中覺得算係最好的。佢個皮幾薄，餡料豐富，食落口好有口感，豬肉加椰菜幾香，所以都幾好食。
之後我們叫了一個明太子炒飯，這個又是麻麻地好食。首先其實我真係唔太食到明太子，蟹子就見到，而且亦都唔覺有明太子既味道。炒飯都算乾身，不過佢加左D酸菜係入面，偶然食到酸酸的味道很怪..... 不是很好吃。另外我們亦叫了兩杯梅酒，這個倒是不錯，甜甜的，沒什麼大問題。
飯後還有雪糕附送，綠茶OR豆腐味，我們兩個也要了豆腐味。豆腐味幾濃，不過唔係好滑，好在食唔到冰碎...(最怕)，附送的當然沒太大要求。
不得不提其實服務係唔錯既，因為食完亦唔會催我地走，由得我地坐多陣，所以係幾好食。不過事實上食物我又真係覺得唔算好好食，所以不知會不會再來啦......。是晚朋友請客，真的感謝非常。
張貼
