影片
更多
2005-08-19
18 瀏覽
星期日又同班波友聚會，上次幫襯花月庭的cheap cheap午市自助餐已經平，今次就來這裡，原因又是一個字~平。158蚊仲有八折，食物種類都算不少，加上我呢班朋友個個都係核電廠般的耗「食物」量，都唔使商量就已有決定。是日都算幾多人，我們一張長檯，在餐廳的正中間。呢度好歹也是酒店餐廳，環境及地方都算唔錯。食物都可分為冷盤及沙律、刺身/壽司/手卷、湯粉麵/烤肉、中/西/印式熱盤及甜品五大類，分佈在五個不同的位置，整齊又企理。由冷盤開始，都有蠔及青口助下興，不過現在腸道傳染病當道，沒有試了，問過試過的波友，味道不錯，不過唔覺好新鮮。沙律只幾盤沙律菜及幾碟撈好的沙律，一樣試了一點，乏善可陳，只得薯仔沙律叫做穩打穩紮。冷盤凍肉又真係有好幾款，味道可預期，不過勝在選擇夠多；再去刺身/壽司檯，刺身都有幾款，如三文、油甘、蟹柳、八爪魚等，表面乾乾的，沒有多大興趣，沒有試。亦有一盤壽司及冷麵等，呢樣就幾受歡迎，見波友們一碟一碟咁掃，佢地幾欣賞。只要了一條蟹柳手卷，年青師傅手震震的，條手卷又廋弱了一點，得啖笑；熱盤選擇幾多，有雞卷有豬柳有蒸魚，味道還算不差。最埋邊還有兩盤咖哩，是羊及什菜，羊的味道都不錯，
是日都算幾多人，我們一張長檯，在餐廳的正中間。呢度好歹也是酒店餐廳，環境及地方都算唔錯。食物都可分為冷盤及沙律、刺身/壽司/手卷、湯粉麵/烤肉、中/西/印式熱盤及甜品五大類，分佈在五個不同的位置，整齊又企理。
由冷盤開始，都有蠔及青口助下興，不過現在腸道傳染病當道，沒有試了，問過試過的波友，味道不錯，不過唔覺好新鮮。沙律只幾盤沙律菜及幾碟撈好的沙律，一樣試了一點，乏善可陳，只得薯仔沙律叫做穩打穩紮。冷盤凍肉又真係有好幾款，味道可預期，不過勝在選擇夠多；
再去刺身/壽司檯，刺身都有幾款，如三文、油甘、蟹柳、八爪魚等，表面乾乾的，沒有多大興趣，沒有試。亦有一盤壽司及冷麵等，呢樣就幾受歡迎，見波友們一碟一碟咁掃，佢地幾欣賞。只要了一條蟹柳手卷，年青師傅手震震的，條手卷又廋弱了一點，得啖笑；
熱盤選擇幾多，有雞卷有豬柳有蒸魚，味道還算不差。最埋邊還有兩盤咖哩，是羊及什菜，羊的味道都不錯，是最好吃的熱盤了。但伴吃的naan及papadum都相當不濟，naan又厚又硬，papadum又油又不脆，吃了一口也放下；燒牛肉算有水準，不過限量供應，食到後段就變了燒雞，味道都不差；唔夠飽的話，過粉麵果邊，多多有得食；
甜品陣容都算不俗，各式餅類都有六/七個，亦有一系列小杯小碟的甜食，可以一樣試一點。因為最近自己也常整各式甜品，所以有興趣試一下，試過晒咁多款，餅類質數一般，只屬水準以下，最好的只有藍莓芝士餅及朱古力蛋糕，因為夠穩陣，味道不會有大偏差。另外小碟的Raspberry Crumble不錯，夠甜夠脆口，同腍腍酸酸的紅莓配合得不錯。雪糕一來六款，食到唔食，喜歡食雪糕的一定不會失望。
話晒是星級酒店，侍應服務有番咁上下水準。食物亦長吃長有，沒有供應不足或「搶食」的情況出現，以這一點計，比旺角的花月庭好。
包一杯飲品，埋單每人一百二十蚊都有找，價錢的計法好像是原價﹝$158﹞再有八折，而某波友唔知用邊張卡埋單又再有九折，得出這個便宜價錢。雖然食物水準一般，但勝在種類不少，不用搶，地方又幾好坐，成班「核電廠」波友都食得好滿意，不失為周日午市自助餐的一個便宜選擇，都可以一試的。
張貼
