甘味讚岐手打烏冬 (已結業)

當然入店時見十蚊一碗，心知必不會如手打烏冬店或富久保般是「當店」手打，但太座想試，見平平地又無咩所謂。呢度以前係星巴克個位，落地大玻璃射進外面的陽光，我們選了半圓檯，都幾好坐。餐牌簡單，只有一些小吃、烏冬及釜飯，還有不少的甜品，中式日式都有。不是太餓，所以就只簡單的叫了個吉列豬扒烏冬及蝦天婦羅鳥冬，另外要了個關東煮。烏冬很快上檯，關東煮則等了很久，想必是不多人叫。先試烏冬，幾滑而不彈牙，頭尾齊齊整整的，說是手打，真的觀察不到。不過十蚊一碗，算交了功課。吉列豬扒即叫即炸，熱辣辣的，幾脆口；蝦天婦羅也熱辣辣的，不過吃落有點油溢味，可見炸蝦也是平沒有好的。關東煮幾大碗，有蛋、豆腐、竹輪、蘿蔔及魷魚鬚串，加上關東煮必配的芥辣，普遍都幾對辦。蘿蔔煮得腍又幾清甜，豆腐都幾有豆香，作為小吃，也不錯。幾位女侍應服務都不錯，尤其一位見我們在等關東煮，都再三向我們解釋，態度亦佳。加埋兩杯飲品，埋單96蚊，食物雖不算特別及出色，但都算幾好坐而不貴的。