北京水餃皇

營業中

休息中

又係頭痕今日LUNCH食咩好，毫無頭緒咁由金鐘行咗過黎灣仔，見呢間北京水餃皇都幾多人食門口呀姐又話有位就入咗黎啦。不過入到去係無位既其實，我哋就企咗喺收銀位，呀姐就利用我哋作壓力迫走兩個啱啱食完既OL，最唔鍾意呢啲食完就迫人走趕頭趕命既餐廳。 坐低都唔係好敢將手同手機放喺枱面，枱面好多污垢。唉，算啦都入咗黎就試一試佢，我哋叫咗韭菜豬肉水餃面同白菜豬肉水餃面。 白菜豬肉水餃面好一般既水餃，無咩肉得好碎既白菜，唔知係咪煮得耐定包得唔好，仲有一兩隻爆開咗。淡淡的一碗面，唯有加返少少豆板醬拯救吓，個豆板醬個瓶都污污衊衊咁，睇見都無咩胃口。 唔係幾明點解咁多人食，明明附近有咁多其他正嘢其實