影片
更多
2009-12-31
59 瀏覽
今次真係想唔打食評都唔得啦! 今年聖誕節好難得老闆大終於有機會放假, 梗係要豪d食返餐好啦! 本來只係貪得意, 據聞尖沙咀有間酒店個bar有無敵海景, 諗住湊下熱鬧, 點知真係好impressed, 意外地過左個fantastic Christmas!!! 好彩冇落雨咋! 無遲無早, 岩岩好6:30pm去到, 未到門口, 已經有2個waitress dress up好企係門口迎賓同你講”Merry Christmas”! 好快, 個waitress帶我同男朋友仔去outdoor 位置, 行到出去, 真係不期然”哇!” 出黎… 真係好大個海景. 冇遮冇擋, 天氣又好, 望到哂對面海既燈飾, 再加上酒店外牆都有聖誕燈飾, Perfect! 見到咁正既View, 真係胃口都好d! 凳都未坐熱, 我就急急腳行去buffet枱睇下有咩食! 首先就冷盤開始: 海鮮: 淨係青口都已經有兩款, 蝦, 長腳蟹腳, 龍蝦, etc… 野食都fill得幾密, 真係長攞長有架, 男朋友大讚龍蝦新鮮, 長腳蟹腳夠哂肉, 玩到冇野好玩仲拎住兩隻蟹腳影相添除左海鮮仲有沙律, 都係大路野啦, 不過勝在款式都算多啦下一
今年聖誕節好難得老闆大終於有機會放假, 梗係要豪d食返餐好啦! 本來只係貪得意, 據聞尖沙咀有間酒店個bar有無敵海景, 諗住湊下熱鬧, 點知真係好impressed, 意外地過左個fantastic Christmas!!! 好彩冇落雨咋!
無遲無早, 岩岩好6:30pm去到, 未到門口, 已經有2個waitress dress up好企係門口迎賓同你講”Merry Christmas”! 好快, 個waitress帶我同男朋友仔去outdoor 位置, 行到出去, 真係不期然”哇!” 出黎… 真係好大個海景. 冇遮冇擋, 天氣又好, 望到哂對面海既燈飾, 再加上酒店外牆都有聖誕燈飾, Perfect!
見到咁正既View, 真係胃口都好d! 凳都未坐熱, 我就急急腳行去buffet枱睇下有咩食!
首先就冷盤開始:
海鮮: 淨係青口都已經有兩款, 蝦, 長腳蟹腳, 龍蝦, etc… 野食都fill得幾密, 真係長攞長有架, 男朋友大讚龍蝦新鮮, 長腳蟹腳夠哂肉, 玩到冇野好玩仲拎住兩隻蟹腳影相添
除左海鮮仲有沙律, 都係大路野啦, 不過勝在款式都算多啦
下一個目的地就係熱盤啦! 平時食buffet熱盤對我黎講係好低吸引力, 不過今次見呢度都有成10款熱盤,. 賣相又唔差, carving station同場加影聖誕必備火雞同埋香噴噴既鴨胸, 都應下節食少少啦, 味道唔錯既~ 但印象最深都係佢有個好香好濃既瑞士芝士counter, 係我係出面酒店buffet未見過既, 大大舊芝士即場溶架, so fresh!配料仲有3款選擇既: 蘑菇, 薯角同埋pickles, 岩哂我呢個鍾意食芝士既人~
食到半路人越黎越多, 仲有live band表演, 唱下聖誕歌, 氣氛唔錯唔錯~ 咁岩對面IFC預演倒數煙花, 即刻拿拿聲影低佢先, 真係好清楚睇到”2010”喎~
其實食左一轉之後, 都真係飽左8成架啦! 不過我都堅持要繼續食, 因為個度既甜品位set得好吸引, 眼見款式又多, e.g. Crème brulee, 芒果布甸, 聖誕曲奇, cheesecake, mousse cake, tiramisu, etc, 仲要有時會轉新款, 真係好難忍架! 仲要有my favourite Haagen Haz雪糕tim! 我樣樣都有試, 總算冇令我失望, 不枉我暫時擱置減肥大計呀!
不得不提既係, 呢度既service都幾好, waiter都幾主動幫客人, 而且個個都笑面迎人, 唔會黑口黑面, 抵讚! 除此之外, 雖然食野既地方係outdoor, 真係坐得好舒服, 環境乾淨, 舒舒服服坐到10pm鐘, 唔洗急急腳食完就走! 同埋有次我拎完甜品唔記得”come”返個蓋, 路過既師傳即刻”come”返, 幾尷尬呀… 不過真係睇得出佢地好著重衛生囉!!!
食完之後, 我同男朋友仔都即刻決定book埋31號除夕係度食buffet, 因為想坐近d live band同埋近海邊, 寫寫下都有d意猶未盡, 開始有d期待31號既煙花倒數tim…
張貼
