微笑韓國料理 (已搬遷) 新店位置

行過尖沙咀搵極都唔知食咩，於是求其醫飽個肚算！一入到去裡面坐定，傳應姐姐好快就拎左熱騰騰既玄米茶同啲小菜招呼我地，但個人認為相比起其他韓國菜啲超好食前菜，呢度就真系略顯普通，而玄米茶就加番唔少分。先後嗌左辛辣年糕面，水冷面，芝士青瓜紫菜卷同醬油炸雞翼！水冷面勁難食，啲面都唔知點解勁硬，咬都咬唔開。而個紫菜卷同年糕面就好普通料，唯一最好食既就系份醬油炸雞翼，但我唔明點解話明醬油炸雞都冇附上醬汁比大家點，反而有少少蜜糖味，似蜜糖雞翼多啲囉！最後，價錢都尚算合理既，只系食物質素有待提高，同埋可能店裡都系韓國侍應既關系，叫野食時都冇熱情咁介紹點樣食法系最好食，又無主動附上醬料，相較尖沙咀其他韓菜，質素就真系有待提高了！