俺流塩らーめん (新都會廣場)

營業中

休息中

今日2點幾一個人去試試呢間平日排哂長龍嘅拉麵店，今日人流未算好爆所以唔洗等，由帶位到落單俾水送餐有位男職員都好好服務。點左個期間限定蛤蜊濃湯拉麵+叉燒，重有玉子大阪燒。先黎個玉子大阪燒，需說大阪燒，但其實只係溫泉蛋加大阪燒醬汁，個溫泉蛋入面熟左小小，不過咁嘅配搭都幾好食嘅；之後黎左塊叉燒，重諗住會拉麵同叉燒一齊黎添，個叉燒唔太肥，咬落有d鞋口，燒得唔夠，普通不過但要13蚊一塊；最後拉麵黎到，賣相唔錯，蛤蜊都幾多但偏細粒肉，湯味道幾好，濃而不過咸，拉麵普通，連加一，130元結帳。