影片
更多
2022-10-01
410 瀏覽
新店開張，試試看點了兩份晚餐再追加小食及半份龍蝦🦞巴馬火腿蜜糖芥末蜜瓜沙律巴馬火腿一上枱便吃掉了，相信是太肚餓關係，一時間忘記品嘗蜜糖芥末呢……Btw,菜是新鮮的，一小杯上，又完全冇醬，健康女生相信幾Buy!龍蝦蟹肉湯龍蝦味濃，偏咸重口味嘅人會覺得幾好飲。店內客人唔多，又新開，用崩口碗上係有少少意外的。跟餐吉列炸蠔炸得酥脆可口，蠔細細粒，但味道鮮甜，不期望下有驚喜！日式柚子鹽焗豬豚西冷拼刺身帶子配燒汁薯蓉名字很長，的而且確有齊咁多樣野嘅….帶子沒有刺身，是煎好上碟的，外脆內軟，剛剛熟，完美！讚👍🏻「西冷」多數與牛掛鉤，是牛背脊近Patpat, 我估計今次嘅西冷豬都可能差不多部位吧。扒是幾淋身的，切起來也容易，第二個讚要讚讚餐刀！有重量有手感而且幾墜手幾好切！最最最最好味係薯蓉，牛油少少蒜香，食落會有薯仔粒粒，燒汁沒有再加分，減重人士可主動走汁。蔬菜們都處理得好好，翠玉瓜甜而唔乾。雙重芝士焗龍蝦半隻跟餐加$28 比想像中好味，啖啖肉，肉身軟爽甜，龍蝦最易過煮而鞋，但這次完全沒有涉及這毛病，另一個欣賞位係蟹鉗肉，其實唔上這塊肉，客人都不會察覺的，廚師仲要除殼跟隨蝦身上碟，謝謝🙏🏻海蝦蒜片檸
點了兩份晚餐再追加小食及半份龍蝦🦞
巴馬火腿蜜糖芥末蜜瓜沙律
巴馬火腿一上枱便吃掉了，相信是太肚餓關係，一時間忘記品嘗蜜糖芥末呢……
Btw,菜是新鮮的，一小杯上，又完全冇醬，健康女生相信幾Buy!
龍蝦蟹肉湯
龍蝦味濃，偏咸
重口味嘅人會覺得幾好飲。
店內客人唔多，又新開，用崩口碗上係有少少意外的。
跟餐吉列炸蠔
炸得酥脆可口，蠔細細粒，但味道鮮甜，不期望下有驚喜！
日式柚子鹽焗豬豚西冷拼刺身帶子配燒汁薯蓉
名字很長，的而且確有齊咁多樣野嘅….
帶子沒有刺身，是煎好上碟的，外脆內軟，剛剛熟，完美！讚👍🏻
「西冷」多數與牛掛鉤，是牛背脊近Patpat, 我估計今次嘅西冷豬都可能差不多部位吧。
扒是幾淋身的，切起來也容易，第二個讚要讚讚餐刀！有重量有手感而且幾墜手幾好切！
最最最最好味係薯蓉，牛油少少蒜香，食落會有薯仔粒粒，燒汁沒有再加分，減重人士可主動走汁。
蔬菜們都處理得好好，翠玉瓜甜而唔乾。
雙重芝士焗龍蝦半隻
跟餐加$28
比想像中好味，啖啖肉，肉身軟爽甜，龍蝦最易過煮而鞋，但這次完全沒有涉及這毛病，另一個欣賞位係蟹鉗肉，其實唔上這塊肉，客人都不會察覺的，廚師仲要除殼跟隨蝦身上碟，謝謝🙏🏻
海蝦蒜片檸檬海鹽醬意大利粉
用了羅勒、蒜片、香草、洋蔥等炒香，味道開胃。意粉的確少少似茶餐廳用，但勝在硬度適中，吸收到汁嘅精華，食時亦輕易掛汁。
起初見到幾片尷尬的檸檬，我有一下聯想到凍檸茶。但一邊食檸檬汁自然滲出，非常開胃。而蝦爽口新鮮，數量都有6-8隻，整體好好食，好滿意。
跟餐甜品-焦糖蘋果金寶
跟餐有3款甜品供客人選擇，我揀了蘋果金寶，其餘兩款都係西餅蛋糕。
落單時店員有禮貌地問我們會否介意等20分鐘烤焗。
最後不出10分鐘，就送上了，外型比預中硬朗，如果有一球雲呢拿雪糕就更覺完美。
凍咖啡
味道偏甜，冰量都幾多。
全個晚餐整體感覺良好，平凡得嚟係有小小驚喜，分量亦豐食，但… 硬件執漏未完善，友人慘被枱面突起利處割傷手，好彩只係皮外傷，希望餐廳盡快維修好！下次再嚟食過！
此外，憑收據於下個月前再幫襯會有9折！
張貼
