君彩美食 (已結業)

相信好多九龍灣人都知道, 如要在午市時間在德福搵位飲茶的話, 除了要預先訂檯之外, walk in 入酒樓等位都一定要花上最少半小時的時間, 而且點心價錢亦稍為偏高, 今次值得推介的就是這一家在工廠區入面的酒樓...... 今次因為只有兩個人去飲茶, 試了不太多款的點心, 其中一樣係佢0既流沙奶皇飽, 真的超級好味, 單看外表, 只是平凡不過的奶皇飽, 但第一口咬落去, 那金黃色而又香甜的奶皇餡料就好像吃上海小籠飽那樣,慢慢的流出來, 奶皇餡料當然比起上海小籠飽的汁料較杰身啦, 而第二樣我覺得幾美味0既點心叫做臘味波菜餃, 餃皮煙"un"適中, 波菜很翠綠新鮮, 波菜間夾雜著臘腸粒, 配搭蠻不錯, 第三樣叫"明蝦沙律菚", 幾特別, 一碟有三大件, 一個似錦魯云吞的皮造成一個spoon 的樣子, 上面鋪有雜果沙律, 面頭有一隻蝦, 蝦似急涷蝦及略嫌淡口了少少, 第四樣分別是煎蘿蔔羔及鮑魚姑蒸鳳爪, 蘿蔔羔煎得香口, 但略嫌咸了少少, 咸味遮蓋了蘿蔔0既味道, 鮑魚姑蒸鳳爪不過不失, 如果多返少少豆豉味就更加好喇, 用鮑魚姑墊底蒸鳳爪都不錯, 個人認為比起出面其他酒家有D 會用芋頭墊底的