影片
更多
2022-07-10
533 瀏覽
週末到訪呢間酒店staycation，琴晚去五樓餐廳食晚餐質素好普通，今日都冇乜期望嚟食呢個早餐。去到門口都有一條人龍，排咗一陣就入到去，拎嘢食嘅情況都係有少少搶食嘅感覺😂 不過呢啲平價staycation我都預咗嘅。個套餐本來係包set嘅早餐，Upgrade咗做自助形式，相對上其實多咗食物嘅選擇嘅～麵包有兩款：白方包同埋迷你牛角包🥐 仲有個麵包機俾你烘熱，基本嘅牛油同果醬都有嘅但就只有一款口味既果醬，我試咗食迷你牛角包，當然唔會做到出邊嗰啲貴貴牛角包嘅外脆內軟，就係一個普通軟林林又算有牛油香個種質素😂 但入得口既～麵包側邊有熱豆漿同埋粥嘅選擇，我到訪嗰日食咗粟米雞絲粥，清淡嘅口味都幾適合早餐暖下胃，仲有幾款配料花生脆脆個啲。其次中式口味仲有一個小小既馬拉糕（？）同炒麵。馬拉糕味道正常，口感紮實都幾飽肚，炒麵賣相一般但食落又唔錯，不過始終咁多人夾，啲麵都有少少碎。早餐有供應兩款炸野，必備嘅薯餅以外仲有炸春卷。另外有好多西式早餐常見嘅：炒蛋、腸仔、火腿、煙肉，有少少菜既選擇例如炒蘑菇茄汁豆同蕃茄。佢個炒蛋係一大盤，有少少喚醒咗我以前食大陸自助早餐嘅記憶，呢種炒蛋真係只有蛋嘅味道，連鹽都好
個套餐本來係包set嘅早餐，Upgrade咗做自助形式，相對上其實多咗食物嘅選擇嘅～
麵包有兩款：白方包同埋迷你牛角包🥐 仲有個麵包機俾你烘熱，基本嘅牛油同果醬都有嘅但就只有一款口味既果醬，我試咗食迷你牛角包，當然唔會做到出邊嗰啲貴貴牛角包嘅外脆內軟，就係一個普通軟林林又算有牛油香個種質素😂 但入得口既～
麵包側邊有熱豆漿同埋粥嘅選擇，我到訪嗰日食咗粟米雞絲粥，清淡嘅口味都幾適合早餐暖下胃，仲有幾款配料花生脆脆個啲。其次中式口味仲有一個小小既馬拉糕（？）同炒麵。馬拉糕味道正常，口感紮實都幾飽肚，炒麵賣相一般但食落又唔錯，不過始終咁多人夾，啲麵都有少少碎。
早餐有供應兩款炸野，必備嘅薯餅以外仲有炸春卷。另外有好多西式早餐常見嘅：炒蛋、腸仔、火腿、煙肉，有少少菜既選擇例如炒蘑菇茄汁豆同蕃茄。佢個炒蛋係一大盤，有少少喚醒咗我以前食大陸自助早餐嘅記憶，呢種炒蛋真係只有蛋嘅味道，連鹽都好似冇，我配埋茄汁豆一齊食就覺得幾好嘅～
角落位有少少粟米片同牛奶供應，食物區中間仲有西瓜🍉哈密瓜🍈同杯裝yogurt，其實聽晒感覺未必好多嘢食，但係都絕對足夠你食飽～
飲品方面有兩個咖啡機同埋幾款果汁，平價staycation黎講呢個早餐已經算唔錯㗎啦！
張貼
