Moreish & Malt (鴻圖道) (已結業)

食Tea一直都好貴,趁住呢個假期，一直都好想試吓去high Tea，上網見到呢間嘅價錢都相對比較平，就決定book呢間去食。小食三層拼盤 $148 (2人用)個價錢都真係幾合理，第一層牛油果蟹肉脆片，其實食唔到牛油果味，蟹肉都冇乜，但上面有魚子，再加上厚厚嘅沙律醬。第二層炸雞柳配薄荷蛋黃醬，炸雞柳食落有少少辣味，個薄荷蛋黃醬嘅色好靚，其實係甜甜地嘅醬汁，呢個配搭都唔錯。第三層墨西哥玉米片配每三種醬料，呢個墨西哥玉米片上面有一啲嘅芝士，但係芝士分埔唔均勻，上面仲Jim上咗三種嘅醬汁，覺得如果分開醬料會比較好，因為朋友唔想食辣味既，都會污染埋。質素唔算特別好，但個價錢相對性真係比其他食Tea嘅平好多。