影片
更多
2022-03-25
60 瀏覽
第一次嚟呢間餐廳，喺朗豪坊附近，行5分鐘左右就到。估唔到佢咁大間，有兩層，坐地下嘅話好高樓頂，空間感好大，而且落地玻璃，有太陽曬入嚟好正！枱同枱之間又唔會太迫，可以自由傾偈或者做嘢👍🏻-午市餐望落價錢正正常常，但係真係好值得👍🏻-日本A4黑無和牛刺身生雞蛋丼飯 💰158男朋友叫咗呢個和牛刺身丼飯，上枱佢話估唔到係真係生嘅😂 連埋隻生雞蛋🥚真係完全一成熟都冇㗎🤣🤣 拌勻之後有埋日本醬汁就幾好食😋 而且啲牛肉係切到好薄好薄，好考手工！男朋友話覺得食落唔似食緊牛肉咁😂 我哋都係除咗食韓式拌生牛肉以外，第一次食到生牛肉嘅菜式，好特別而且幾好食，值得試💛-明太子鍋燒烏冬配炸吉列和牛 💰168而我自己係鍾意食烏冬所以叫咗呢個，但係估唔到有呢份吉列和牛都好驚喜！厚切食落啖啖肉，而且真係外脆內軟，外層炸到薄得黎超鬆脆🤩 而且內襯係keep住生嘅質感，好柔軟，好Juicy🤤🤤 另外碗烏冬都有好多配料，勁多明太子，有少少鹹，所以我夾咗出嚟想食嘅時候先至配入去👌🏻-黑咖啡 +💰23男朋友鍾意飲，有果味，幾提神-總括而言，呢間餐廳環境好舒服，適合同朋友，情侶，或者自己靜靜地工作都得👍🏻 食物質素都10分好，推
第一次嚟呢間餐廳，喺朗豪坊附近，行5分鐘左右就到。估唔到佢咁大間，有兩層，坐地下嘅話好高樓頂，空間感好大，而且落地玻璃，有太陽曬入嚟好正！枱同枱之間又唔會太迫，可以自由傾偈或者做嘢👍🏻
-
午市餐望落價錢正正常常，但係真係好值得👍🏻
-
日本A4黑無和牛刺身生雞蛋丼飯 💰158男朋友叫咗呢個和牛刺身丼飯，上枱佢話估唔到係真係生嘅😂 連埋隻生雞蛋🥚真係完全一成熟都冇㗎🤣🤣 拌勻之後有埋日本醬汁就幾好食😋 而且啲牛肉係切到好薄好薄，好考手工！男朋友話覺得食落唔似食緊牛肉咁😂 我哋都係除咗食韓式拌生牛肉以外，第一次食到生牛肉嘅菜式，好特別而且幾好食，值得試💛
-
明太子鍋燒烏冬配炸吉列和牛 💰168
而我自己係鍾意食烏冬所以叫咗呢個，但係估唔到有呢份吉列和牛都好驚喜！厚切食落啖啖肉，而且真係外脆內軟，外層炸到薄得黎超鬆脆🤩 而且內襯係keep住生嘅質感，好柔軟，好Juicy🤤🤤 另外碗烏冬都有好多配料，勁多明太子，有少少鹹，所以我夾咗出嚟想食嘅時候先至配入去👌🏻
-
黑咖啡 +💰23
男朋友鍾意飲，有果味，幾提神
-
總括而言，呢間餐廳環境好舒服，適合同朋友，情侶，或者自己靜靜地工作都得👍🏻 食物質素都10分好，推薦大家叫有和牛既菜式🤤
-
餐廳: 桔梗
地址：旺角砵蘭街160號地下至2樓
張貼
