平民扒房@友蠔食 (已搬遷) 新店位置

最近同朋友喺旺角附近行完街之後好肚餓想鋸吓扒，喺女人街搵到呢間餐廳。餐廳門面不太顯眼，內裡空間各座位也不算多。我地一台五個人主要叫咗三款扒: 400G 美國牛板腱、400G巴西牛柳同400G 澳洲和牛。叫一份扒會送前菜、湯同埋白飯任添，另外有少少薯熔跟上。每份扒送上時會有一塊加熱咗嘅石板俾客人自己煎塊扒調較幾成熟。牛扒質素唔錯，肉味重且熟度可自行調較到適合自己的程度。個人認為澳洲和牛最好食，肉質最嫩最入口即融。以呢個價錢嚟講性價比幾高，間唔中想食餐好嘅不妨可以試試。餐廳其實仲有提供各款生蠔，但並非每位朋友都愛好所以今次冇叫。另外，食客可以加38蚊任食薯條汽水，大食嘅朋友可以試試