海皇粥店 (莊士敦道) (已結業)

今晚行街後去到灣仔搵食,本來諗住平平地食餐粥,所以就選址海皇粥店啦。入到去都差不多坐滿,搵到張6人檯仲有側邊兩個坐位就諗住是但啦。坐下睇吓餐牌食咩好,佢有好多不同既餐牌,當我睇緊佢既火鍋餐牌時,突然有個阿姐同我地講,食火鍋匿張唔夠坐,過嚟啦,坐出面好坐d。我地見佢咁熱情就跟咗佢行,佢就搵咗張4人檯比我地。咁我地又唔好意思話我地只係想食粥咋,所以就叫咗個海鮮鍋。佢有五種鍋,價錢由六拾幾到八拾幾,我地叫咗魚蝦蟹肥牛鍋。仲有油炸鬼,蔬菜籃,野飲就要加錢。蔬菜籃有三粒丸,南瓜片,芝士腸,雲耳,粟米,金菇同生菜,黃牙白,都幾足料。粥底都可以揀白粥,南瓜粟米肉碎,香茜皮蛋或豆槳。隻蟹上台前巳放咗入煲,就咁睇都幾大隻,但食落就知唔係新鮮貨,隻蝦都唔彈牙,只有兩塊魚可以接受。之後仲加咗一個炒麵,蘿白糕同豆槳。其實個餐唔算貴,但既然做得魚蝦蟹鍋,最好比返d新鮮d既料比人食會好d。