至尊重慶雞煲 (創興廣場)

營業中

休息中

約大圍朋友食飯，有朋友提議想食雞煲，我哋有男有女，就不如食任食雞煲抵食啲，所以我哋就去咗至尊雞煲，都抵食嘅＄158全包價，食咗個雞煲就可以任點任食，最正嘅係可以有啤酒任飲，啱晒啲男仔。朋友點一個小辣雞煲，個醬汁係濃味，辣嘅程度可以接受，雞肉就係雪藏雞，肉質可以接受。唯一挑剔嘅地方喺座位比較迫，佢哋係長枱型嘅設計，旁邊就係你唔識嘅客人。我哋四個人好快就食完咗個雞煲，咁就搵姐姐加湯，就開始我哋打邊爐。嘢食嘅選擇都可以，而且好快送到，雖然朋友覺得佢哋嘅肉唔太新鮮，但係呢個價錢可以接受，今次已經係第二次來食，質素同上次嘅都差不多，同埋佢哋嘅抽風設施都可以改善下，個場入邊真係好大煙。