定食8 (已結業)

香港人鍾意食日本野，我亦都唔例外，今次同媽咪黎到卓爾廣場嘅定食8食下午茶，意想不到咁平價，室內環境整潔，座位舒服，可能因為平日關係，人流唔算多。今次我地點左天婦羅丼飯（$23），迷你三文魚丼飯（$33），天婦羅大約有6件，當中仲有炸蠔tim，熱辣辣好脆口，三文魚算幾新鮮，雖然本身嘅飯好少，但勝在可以免費添飯，味噌湯，海帶等等，以上都係無限供應，定必可以食到飽一飽，呢個價錢加埋一都絕對合理，真係好抵食。