定食8 (已結業)

今日去新蒲崗，順道去Mikki吃午飯，搵到間餐廳有魚生飯食，價錢又算平民，就決定試一試。餐廳定食選擇有限，主要都係魚生，鰻魚，牛柳，雞等選擇，而且定食配有味噌湯和甜品，但原來有加一收費。岩鹽牛排（$48）牛排本身都煎到香口，有肉汁送飯。反而白飯只係普通白飯，並不是珍珠米，而且有點煮唔透，咬口硬硬地。海鮮丼（$58）海鮮丼有蝦，三文魚，希靈魚，分量夠秤，論新鮮道肯定不及外來魚生/壽司店，但平心而論平民價錢尚算接受。驚喜點：餐廳有自助區，客人可以自己倒茶、添飯、添味噌湯。入座時段雖然非繁忙，但前檯職員人數得一兩個，接單時間比較長。