友利坊 x 友利冰室 x 勿當奴 (已結業)

係荔枝角食過，覺得好唔錯，食物有特色之餘，裝修又夠玩味，所以今日係太子見到，都想入黎食多次。同荔枝角一貫塗鴉風壁畫隨處可見，好有香港特色，餐廳好大，位置寬躺，坐得夠舒服。👫小炒二人餐👫$198（配油菜，白飯2碗，老火湯及飲品）🐥豉油無骨雞🐥豉油雞好多件，好夠食，雞肉真係一d碎骨都冇，啖啖肉，而且好嫩滑，好入味之餘又唔會過咸，店內燒味絕對出色。店內食物材料大部分由外國入口（詳情可參考餐牌），所以有質素保證。🐑古法雙冬羊腩煲🐑加$60羊腩煲好大煲，有唔少羊腩之餘，配菜如枝竹同冬菇都好多，聞落都好香，羊肉唔會羶，平時怕食羊ge人都可以一試，而且夠軟身又入味，枝竹亦都索哂湯d味，好好餸飯，第時天氣凍，仲可以買急凍包返屋企翻熱食。椒鹽燒賣6粒$12炸得外脆肉軟，椒鹽味夠出但唔會過咸。日式炸餃子4隻$28餃子亦都炸得好酥脆，配上醬汁十分可口。評語位置方便，坐位舒適食物性價比高，燒味出色🐵推介：🍌🍌🍌🍌🍌（5🍌為滿分）📌友利坊 x 友利冰室 x 勿當奴地址: 太子彌敦道750號始創中心地庫B1樓B02-06號鋪#foodie #美食 #外食 #知己相聚 #foodielife #hkfood