薩莉亞意式餐廳 (悅來坊) (已結業)

老婆鍾意食西餐，想慳錢最好就係去薩莉亞，價錢經濟又可以一次過點多款食物扮下豪客😂周打海鮮湯係我哋每次必點，因為我鍾意飲湯，中西式湯通殺，呢到周打海鮮湯幾creamy，對我嚟講份量太少，但對個肚裝唔到水嘅老婆嚟講份量剛剛好～見到鮮蕃雞肉雲吞特價$22(原價$29)，即叫唔算太漏，酸酸甜甜幾醒胃我好鍾意蕃茄，所以再叫鮮茄海鮮意粉😂呢個雞肉pizza係老婆揀嘅，味道0K，不過唔食雞皮嘅老婆就嫌佢啲雞粒多雞皮上次嚟太開心係咁叫自己鍾意食嘅嘢，唔記得點老婆最愛嘅香辣雞翼，今次記得點啦！香辣惹味～蜆肉鐵板煮平時食幾鮮味，但今次就太乾了，所以失準～叫咗咁多嘢食都係$160，抵😏