影片
更多
2014-03-16
509 瀏覽
魚心自問唔係第一次食，最初上網睇食評見到D 評語都幾得人驚。不過講真句，睇你用咩黎比較，正如標題所說，我覺得魚心是在日本料理舖頭裡面的一間"普通街邊大排檔"，自然標準可以放鬆少少。雖然好多人都話環境唔好、食物質素唔好等而唔會再去，但自己同老公無去一排，眼見的確多人黎食野啊！食到中段已經連上面果層都差唔多坐爆，這也許是"平價"的魔力吧？講返野食，今期小食我地點左中華沙律同蟹子沙律：中華沙律，份量較少，味道屬正常，無乜特別；蟹子沙律，今次唔記得叫佢走緊D醬，個人覺得魚心D 沙律醬落得太多，青瓜絲也有點乾，但總算食得落口。跟住我地點左茄子田樂燒、雞軟骨串、肥牛炒野菜同加州卷(無影相自己亦無食，下次再寫吧)。茄子田樂燒係我地一向都會點的菜式，亦係我個人推介的菜式之一。茄子份量比一般食店多，有成半條普通SIZE的茄子，而且燒完仲可以保持茄子內的水份，入口帶點濕潤，出品又夠熱可以令木魚碎郁下郁下，覺得暫時全店至好食就係呢個 。雞軟骨串嘛，今次燒得比較乾身，質素只屬一般以下。接住落黎就係唔小心叫錯左嘅肥牛炒野菜，之前食過炒野菜的味道是正常的，但呢個肥牛炒野菜，師傅略為重手左，實在是甜過頭了 ！而蔬菜
雖然好多人都話環境唔好、食物質素唔好等而唔會再去，但自己同老公無去一排，眼見的確多人黎食野啊！食到中段已經連上面果層都差唔多坐爆，這也許是"平價"的魔力吧？
講返野食，今期小食我地點左中華沙律同蟹子沙律：中華沙律，份量較少，味道屬正常，無乜特別；蟹子沙律，今次唔記得叫佢走緊D醬，個人覺得魚心D 沙律醬落得太多，青瓜絲也有點乾，但總算食得落口。
跟住我地點左茄子田樂燒、雞軟骨串、肥牛炒野菜同加州卷(無影相自己亦無食，下次再寫吧)。
茄子田樂燒係我地一向都會點的菜式，亦係我個人推介的菜式之一。茄子份量比一般食店多，有成半條普通SIZE的茄子，而且燒完仲可以保持茄子內的水份，入口帶點濕潤，出品又夠熱可以令木魚碎郁下郁下，覺得暫時全店至好食就係呢個 。
雞軟骨串嘛，今次燒得比較乾身，質素只屬一般以下。
接住落黎就係唔小心叫錯左嘅肥牛炒野菜，之前食過炒野菜的味道是正常的，但呢個肥牛炒野菜，師傅略為重手左，實在是甜過頭了 ！而蔬菜的配搭都幾古怪，裡面有唔少急凍雜豆，是炒野菜中我未見過的材料(可能我太孤陋寡聞)；至於肥牛方面都有六七舊，算多了！而且無雪藏味。如果可以落返少D糖，都不失是一碟補充纖維的好選擇。最後出場係以優惠價叫的甜蝦刺身同三文魚刺身。
第二樣入黎必食，但$1隻甜蝦刺身，都唔好諗得太理想。不過以一開頭所講"普通街邊大排檔"的級數黎講，呢碟甜蝦可以收貨啦，尚算新鮮，雖然軟身左少少但都算入得口。
第三樣入黎必食係三文魚刺身，優惠價係半磅起起跳，平平地食返十塊八塊含有豐富魚油的三文魚，我覺得值得。今次我地叫左一磅，上枱時數過都有廿塊，雖然身材窄身少少但都幾厚身，入口新鮮肥美~ 不錯啊！
題外話/補充資料：
如果你唔介意坐"街邊大排檔"，又唔介意食物質素普普通通，可以試試看，嘗嘗甚麼是平價大排檔版的日本料理店。^^
(以上食評乃用戶個人意見 , 並不代表OpenRice之觀點。)
張貼
