金太郎 (已結業)

又係想食壽司嘅日子，剛好見到金太郎嘅招牌，聽說很平，一於試一試佢。樓上鋪，上到去，環境好黑，有個擬似經理嘅人係度鬧緊人，但見到有客到，立即變面，服務態度勁好。六點幾，未係晚飯時間，唔使等位。乾淨就麻麻，但可接受，雖然枱上有乾左嘅蝦籽。迴轉帶上嘅壽司，唔太新鮮，味道正常。平價刺身，雖然薄切，但幾新鮮喎，有驚喜。但其中一塊有一條毛，看似係衣服上嘅毛冷。海膽軍艦一件正常，但一件滆左，有異味。水晶茶果？一顆綠茶，兩顆紅豆餡，凍上又甜甜地，幾好味。除左呢啲，仲有拉麵，串燒等，好多野揀。一“餸”拉麵居然係十九蚊起，呢個價位唔敢試了……兩個人食飽飽都唔使一舊水，超平呀，但味道只能說勉強合格。