Spade by Lassana (已結業)

白雪與巫婆（$58）油塘區司令真係好少會尼，但唔講唔覺，原來係油塘大本營有間甜品店都好鬼出名架。司令食完晚飯先黎尼間舖，可能仲係晚飯時間，人流比較少，坐得好舒服，佢既店舖有少少似Holly Brown既風格，一樣都係自助式既，買完記得要自己拎餐具啊。司令叫左個吐司，價錢真係超實惠，估唔到五十幾蚊，竟然唔係白麵包而係丹麥吐司😯。丹麥吐司中間係切開焗過既，亦都落左蜜糖，甜蜜度滿分，上面加左層cream，配埋香蕉同焦糖香蕉味雪糕，中意食香蕉既朋友一定要試試佢個蕉味雪糕，一啲都唔香精唔假😂，蕉到爆，不過焦糖味就唔出，成個吐司望落細細，但食落份量十足。尼個商場人流唔算多，大家想食個tea或者甜品都可以過尼試下，享受一個悠閒既下午啊。