大師傅粥品 (金馬倫道)

營業中

休息中

每星期有一日喺尖沙咀呢邊上堂， 上完堂之後就要搵嘢食啦。今次就試咗呢一間粥店，想要食得健康啲。一個人叫咗兩樣嘢結果太飽。首先係十蚊嘅一個油炸鬼，本來以為可能冇，因為去到都成九點幾。而且心諗十蚊唔會好多嘅，點知佢畀咗兩大條成碟我(圖片嗰度已經係食咗少少㗎)｡而且雖然已經夜啦，但係佢嗰個質感都唔錯，唔係嗰種軟淋淋放咗好耐嘅！另外就係皮蛋瘦肉粥，一碗都有頗大碗。其實下一次我只食粥都會夠飽。29蚊都有唔少皮蛋，啲肉係醃過嘅，唔係鞋颯颯。我覺得而家想要食一啲平嘢，仲要係尖沙咀金馬倫道，呢間都算係好選擇。