宜家家居餐廳及咖啡室

營業中

休息中

今日去左megabox行街，行到4點有啲肚餓，就決定去ikea買啲小食醫下肚。我地兩個人叫左10粒肉丸、一份薯格、同一個蔬菜薯餅，都係$50咋！肉丸幾好味，煮得夠淋，亦煮得入味，加埋我最鍾意嘅紅莓醬真係一流薯蓉都好味，夠嫩滑同creamy，如果同肉丸個醬汁一齊食都唔錯架。薯格就麻麻地。熱就夠熱，不過可能烘熱得太耐，佢淋哂。由於唔係新鮮炸出黎，所以佢唔脆，但調味都幾好嘅。而我最鍾意嘅就係蔬菜薯餅喇！簡簡單單嘅薯餅入面有好多菜，而且好creamy，但唔溜，質感又唔太實，8蚊真係抵，值得一讚！我食完一個之後，仲忍唔住買多一個蔬菜薯餅食添！