影片
更多
2019-02-21
515 瀏覽
好耐冇食過平、靚、正嘅一餐。之前同女朋友經過時已經想試，但睇個價錢咁平，會唔會係豉油西餐呢？因此打消咗個念頭。早段時間諗住同佢父母一齊試下，心諗未到7點，點都會有位啩，點知侍應話最快8點先有位😤。唔通好好味？前兩日女朋友同佢屋企試過，甚為推介。結果尋日再同佢哋一試，果然真心好味，而且仲要好抵食👍🏻先講飲品，小弟向來愛好嘅德國啤Erdinger，惠康一支都賣$21，佢竟然賣$38，唔係咁抵飲嘛？最衰我咳仲食緊藥，否則我都要飲番2支。另外就係正題 - 食物質素。坦白講，好味，尤其係豬手，好味到食食下先記得影相。佢同一般德國鹹豬手唔同，事關佢係「炆」嘅。味道層次複雜，入口鮮嫩，飲埋佢炆成嘅湯，一個字形容 - 一絕！遺憾跟個扁意粉雖然彈牙，但味道略淡。可能要配個豬手湯食啩⋯⋯另外就係個牛扒，重10安士，配白松露肉汁，非常美味。若果豬手係滿分嘅話，佢只攞到90分鐘。因豬手實在太強。最後要提一提個Cheese cake，自家製，同平時食嘅比佢餅低較厚，入口一陣淡淡嘅鹹香芝士味，絕對值得一試。我哋4個人去，叫咗2個餐，已經好飽。開咗支紅酒、4支啤酒，埋單7百蚊鬆啲，唔係嘛，抵食到咁？如無意外會帶自己
之前同女朋友經過時已經想試，但睇個價錢咁平，會唔會係豉油西餐呢？因此打消咗個念頭。早段時間諗住同佢父母一齊試下，心諗未到7點，點都會有位啩，點知侍應話最快8點先有位😤。唔通好好味？
前兩日女朋友同佢屋企試過，甚為推介。結果尋日再同佢哋一試，果然真心好味，而且仲要好抵食👍🏻
先講飲品，小弟向來愛好嘅德國啤Erdinger，惠康一支都賣$21，佢竟然賣$38，唔係咁抵飲嘛？最衰我咳仲食緊藥，否則我都要飲番2支。
另外就係正題 - 食物質素。坦白講，好味，尤其係豬手，好味到食食下先記得影相。佢同一般德國鹹豬手唔同，事關佢係「炆」嘅。味道層次複雜，入口鮮嫩，飲埋佢炆成嘅湯，一個字形容 - 一絕！遺憾跟個扁意粉雖然彈牙，但味道略淡。可能要配個豬手湯食啩⋯⋯
另外就係個牛扒，重10安士，配白松露肉汁，非常美味。若果豬手係滿分嘅話，佢只攞到90分鐘。因豬手實在太強。
最後要提一提個Cheese cake，自家製，同平時食嘅比佢餅低較厚，入口一陣淡淡嘅鹹香芝士味，絕對值得一試。
我哋4個人去，叫咗2個餐，已經好飽。開咗支紅酒、4支啤酒，埋單7百蚊鬆啲，唔係嘛，抵食到咁？
如無意外會帶自己阿媽再食一次。尤其要食豬手，因為佢已冇乜牙力。
不過特別需要留意嘅係，餐廳只收現金，唔收卡。呢個有啲失望。
炆豬手
17 瀏覽
0 讚好
0 留言
10安士牛扒
75 瀏覽
0 讚好
0 留言
自家製芝士餅
34 瀏覽
0 讚好
0 留言
張貼
