夏娃 (已結業)

我一直以為我已經寫過依一間，跟住仔細睇先發覺原來自己冇寫過，所以今日都寫返一次。而家間啲裝修都係有用心嘅，同埋算係比較有特色，坐落唔會話太迫。平時我哋食嘢嘅時間係12:30 ，都唔算太多人，通常一入去都有位坐低，但係到咗一點嘅時候就可能未必有位。平時飲嘅湯係南瓜忌廉湯，其實幾好飲， 我鍾意但係今日就有少少失望因為佢突然間轉左第二個湯😢呢一個係燒春雞嘅午餐套餐，係我平時食開嘅一個套餐😉基本上次次嚟我都係食呢一個，因為佢個春雞通常都整好好食，但係嗰日係啲肉老咗少少，有少少失色。但佢個皮係脆嘅而且外皮好似查咗少少蜜糖之類嘅調味料，食落甜甜地，我幾鍾意另外嗰個飯係有種意大利飯嘅感覺，裏邊亦都加咗啲蘑菇，食落好好食，份量都唔會太多，啱晒女仔食同事的佢叫咗杯西柚汁，我就叫咗紅棗桂圓茶，紅棗桂圓茶幾好飲。埋單嗰陣我見到個櫃枱後邊寫住話買任何嘢都有口罩套送，但係店員又冇主動提，於是我就主動問🙈🙈問咗之後就真係有兩個口罩套送🙈🙈🙈另外呢要注意嘅係，依間野上菜速度真係好慢😂😂所以我哋一坐低嘅時候就已經同佢講咗我哋趕時間，所以今次就好順利好快就食到🤪