沙田強記雞粥 (已結業)

幫襯大圍強記超過廿年,當年住在大圍,無論晚飯定係宵夜都是常客！自從搬到港島區後,便少了到大圍,到強記開餐就少了很多！幸好我家大少都好鍾意強記嘅雞粥同乳鴿,所以上週末就再重臨舊地！嚟到強記,必點雞粥+乳鴿是常識吧！雞粥水準依然高！(比起火炭嗰邊好好多！😂)粥底味鮮而雞肉仍然鮮嫩！Good！無令我失望！紅燒乳鴿大小適中,皮脆肉嫩,熱辣辣,一啖咬落去重會爆汁！正！另加炸大腸,豉汁炒蜆同豉油皇炒麵！炸大腸好在“脆”同“熱”！水準之作！反而炒蜆一般,重手咗少少,咸咗D！😂豉油皇炒麵同雞粥係絕配！必點！總括嚟講,大少非常滿意！我同太座滿意之外重多咗一種懷愐之情！