一去荃灣，唔使諗就去咗食一間我認為冇咁肥嘅上海麵啦( ´▽` )ﾉ
每次食呢間上海麵，我都會揀北京水餃，佢份量好足，就好多粒🥟(五粒)。我個friend就叫咗鳳爪雲吞麵(佢有四粒)，咁我哋咪可以交換囉。
北京水餃配檸檬茶$46，鳳爪雲吞麵配檸檬茶凍飲都係$50。其實真係抵到爛。
我個friend話可能因為呢間係佢哋自己鋪，所以先可以做到咁平咁益街坊喎👍🏻
1
聽我朋友講話佢哋之前係冇炒粉麵飯食嘅，而家可能因為競爭大左，所以加多左選擇。
我哋都試過一次食炒粉麵，但食完覺得好多味精，之後我哋都係食番佢嘅上海麵好了。
佢哋個餃子裏面有好多韭菜，應該係佢哋自己包，好新鮮，所以我每次都叫。
而我個朋友就話佢嘅鳳爪好入味，炆得好冧。
如果問我有冇下一次，我可以好肯定咁講俾你聽我會繼續幫襯。
