不吃不可 (已結業)

依間餐廳真係由我小一、二開始就食，開左勁多年。價錢抵，味道一樣係咁好。入到去要拎個餐紙同筆自己✔️食咩，咁多年都係咁，覺得唔係咁環保，每日都唔知用幾多張紙。餐廳有麵、有餸、有野飲，數量全部自己揀，可以話係個人化，完全根據自己口味揀，種類都算多。最推薦係揀秘製咖哩汁，可以話係招牌汁，每次去全部朋友都會揀佢。真係好辣，勁入味，一定要飲野。如果唔想咁辣可以揀鹵水汁/牛腩汁，再係咖哩汁度寫「少少」，或者揀咖哩魚蛋，都可能有小小汁😂另外如果當日想食清d/食多d菜都可以揀佢！平時出街食好少有得叫菜食，依間又平又多，最平可以去到$22左右，好抵。另外有個特餐，好似$45，有十樣餸包汽水一罐超抵，不過食唔哂一直無試！有人話覺得細碗，但食完真係會覺得飽，慳錢之選！