影片
更多
2011-05-14
58 瀏覽
之前睇左食評，呢間野食方面好似唔錯，老闆都好似好好人，地點又未算偏僻，所以非常放心咁黎到呢度。錦上路西鐵站再轉的士入去，未落車而且有幾隻大唐狗迎接我地。怕狗既，真係會嚇親。因為佢地係呢間既老闆養既，所以經常圍住我地，響我們隔離走來走去。好難無接觸既機會。首先落車，一睇，全場得我地… 周圍既枱都好烏糟 我地入去比錢，每人８８蚊（因為我地要港式燒烤，重慶燒烤好似要１０８蚊）。然後比張飛我地，一人一枝水+罐裝野飲。等左好耐，個老闆慢條斯理咁出黎幫我地開火，再慢條斯理咁拎Ｄ野食出黎比我地夾，呢度都用左成幾個字…然後有個印傭（只識少少中文）慢條斯理咁求其抺下Ｄ枱橩。我地先再坐響度，好快已經有幾廿隻蚊圍住我地……雖然預左，但都好毛骨悚然…大熱天時用無蓋既雪藏櫃，上面有好多烏蠅飛來飛去……好唔維生！而且都唔會添加（可能得我地一圍啦）食物方面，其他無乜特別，無乜野係好突出。包真係好厚，但本人覺得燒野食，唔會以包為主，以肉為主。雖然話有羊架，但味道同質感唔係太美味，塊塊都得骨…雞翼會較為好，因為佢有三隻味，蒜味，黑椒味，同辣味。我地食得咁上下，因為周圍都係樹，成日Ｄ樹度跌ｄ會爆水既物體。（因為實在太暗，
之前睇左食評，呢間野食方面好似唔錯，老闆都好似好好人，地點又未算偏僻，所以非常放心咁黎到呢度。
錦上路西鐵站再轉的士入去，未落車而且有幾隻大唐狗迎接我地。怕狗既，真係會嚇親。
因為佢地係呢間既老闆養既，所以經常圍住我地，響我們隔離走來走去。好難無接觸既機會。
首先落車，一睇，全場得我地… 周圍既枱都好烏糟
我地入去比錢，每人８８蚊（因為我地要港式燒烤，重慶燒烤好似要１０８蚊）。
然後比張飛我地，一人一枝水+罐裝野飲。
等左好耐，個老闆慢條斯理咁出黎幫我地開火，再慢條斯理咁拎Ｄ野食出黎比我地夾，呢度都用左成幾個字…然後有個印傭（只識少少中文）慢條斯理咁求其抺下Ｄ枱橩。
我地先再坐響度，好快已經有幾廿隻蚊圍住我地……雖然預左，但都好毛骨悚然…
大熱天時用無蓋既雪藏櫃，上面有好多烏蠅飛來飛去……好唔維生！而且都唔會添加（可能得我地一圍啦）
食物方面，其他無乜特別，無乜野係好突出。
包真係好厚，但本人覺得燒野食，唔會以包為主，以肉為主。
雖然話有羊架，但味道同質感唔係太美味，塊塊都得骨…雞翼會較為好，因為佢有三隻味，蒜味，黑椒味，同辣味。
我地食得咁上下，因為周圍都係樹，成日Ｄ樹度跌ｄ會爆水既物體。（因為實在太暗，睇唔到係乜）只係知爆開會有黑色水出黎……變左我地燒完野食，要喇喇聲食左佢，放響度只會＂加料＂
個度Ｄ狗會成日響我地隔離望住我地，想我地比骨佢地食。
我唔會再黎～無野好印象～
張貼
