2000円料理放題專門店 (已結業)

由開業第一個月幫襯到昨日幫襯第四次,一次失望過一次！食物質素變差,結冰的吞拿魚刺身,大細不一的刀法,非常遲出的魚生,杯杯唔同味的檸茶......！原本同男友幫襯完第三次都已經打算唔再食了，但新年朋友來打牌,話想去試下,所以再去多次，是日六點幾去睇下價錢有冇變,個日係$168+10%,無分時段,所以我地決定打牌先,打到十點行去,入座後帶位講多次價錢同叫食物方法,我問有冇海膽？佢話送完啦！你想叫都無！之後我地當然先叫魚生啦！等咗廿分鐘,來咗有花又有霧的魚生盤,內容有大堆三文魚,四塊魷魚,四條蝦仔,好少櫻花魷魚。我地仲以為其它會來緊,點知又等廿分鐘,,熱食係咁上,但一塊魚生都無再見！問個後生經理咁既野,佢話無晒啦,只剩返三文魚！佢地十一點半停叫食物,新年期間都唔預多d！十點幾就乜都無,連咖啡都話賣晒！成條女人街都係$18半磅三文魚,又新鮮過佢好多！我諗大家如果真係要去食就唔該7點前好去囉,因為真係唔抵食,四個人要$740,係旺角任何一間都可以食得好舒服,而佢地全部經理同侍應全部係睇唔到同聽唔到的,要叫三次以上先會應你！我地以後都會避免再去洗錢又受罪！