影片
更多
2018-05-11
538 瀏覽
U既餐廳常餐都似，先有湯麵或肉醬意粉，配炒蛋或煎蛋，加一多士，或再加一腸，然後一熱飲。今日路過舊地：CityU AC3。30蚊。物有所值。先係主食：南瓜通。湯底，杰濃，又唔過咸，有南瓜味，仲有南瓜蓉，口感好，唔係一般常見既味精罐頭蕃茄湯可匹敵。再嚟，多士，熱、脆，烘出有清晰而唔過深既啡坑，視覺效果已增進食慾。入口，似餅乾。餅乾唔特別，但新鮮既餅乾！少見。再嚟，就係令人驚歎既炒蛋。竟然即叫即整！？AC3既炒蛋，係成形，有層次，由中心向外圍出一圈一圈，下陷，而保有蛋汁，剛好平衡於熟與嫩滑，將矛盾既動態固定於optimal point。用刀一切，感覺到佢既厚度同彈性。入口，只能講：無得嘆。當我食完後，想衝去廚房向姐姐偷師。熱飲，係敗筆。我叫鴛鴦。問題唔在於奶茶或咖啡或兩者既比例。問題在於，佢竟然無我最愛既華田同可力！佢竟然咁唔體貼，無照顧充滿童心想飲無咖啡因既甜熱飲既人！佢太令我失望！
今日路過舊地：CityU AC3。30蚊。物有所值。
先係主食：南瓜通。
湯底，杰濃，又唔過咸，有南瓜味，仲有南瓜蓉，口感好，唔係一般常見既味精罐頭蕃茄湯可匹敵。
再嚟，多士，熱、脆，烘出有清晰而唔過深既啡坑，視覺效果已增進食慾。入口，似餅乾。餅乾唔特別，但新鮮既餅乾！少見。
再嚟，就係令人驚歎既炒蛋。
竟然即叫即整！？
AC3既炒蛋，係成形，有層次，由中心向外圍出一圈一圈，下陷，而保有蛋汁，剛好平衡於熟與嫩滑，將矛盾既動態固定於optimal point。
用刀一切，感覺到佢既厚度同彈性。入口，只能講：無得嘆。
當我食完後，想衝去廚房向姐姐偷師。
熱飲，係敗筆。
我叫鴛鴦。
問題唔在於奶茶或咖啡或兩者既比例。
問題在於，佢竟然無我最愛既華田同可力！
佢竟然咁唔體貼，無照顧充滿童心想飲無咖啡因既甜熱飲既人！
佢太令我失望！
63 瀏覽
0 讚好
0 留言
張貼
