影片
更多
2022-04-13
860 瀏覽
本身想試吓四月限定款式，去到先發覺原來新開嘅寶琳店係未有㗎 ！所以今次就同大家分享吓我哋每次都會叫嘅常規款式。首先，必須要分享吓寶琳店嘅開幕限定：極上大吞拿魚腩$12！雖然係開幕特價款式，但壽司郎一啲都冇偷工減料，吞拿魚腩非常肥美，入口即溶。每次有分店開，都值得去瘋狂食大拖羅。🥰常規款式推介🥰👍 鮮蝦天婦羅 $12建議配上隱藏menu食法：自製綠茶鹽。鹽需要order，加上綠茶粉，好有日本風味 🇯🇵 👍 蝦三味 $17分別係甜蝦、熟蝦、赤海蝦。$17有三件壽司真係好抵食，尤其赤海蝦大大隻。👍 日本產頂級池魚 $12新鮮池魚本身魚味重，肉質彈牙，配上薑同葱就無哂腥味，得返鮮味！👍 香葱赤蝦 $12香蔥赤蝦上面除咗有大大隻蝦，仲有好香嘅炸葱絲，配上秘製沙律醬同醬汁，炸葱嘅香味會一直停留喺口入邊。👍 炙燒芝士鮮蝦 $12芝士同蝦係絕配！再配上沙律醬，唔洗再點豉油都夠晒味。👍 吞拿魚 $12吞拿魚非常鮮嫩，唔會好似坊間嘅吞拿魚壽司成塊橡膠咁樣。👍 燒鱈魚子配忌廉芝士軍艦 $12燒過嘅鱈魚子充滿咸香，配上忌廉芝士，入口軟滑。👍 油甘魚 $12👍 油甘魚天身 $17油甘魚本身好好食，而油甘魚天身更
本身想試吓四月限定款式，去到先發覺原來新開嘅寶琳店係未有㗎 ！所以今次就同大家分享吓我哋每次都會叫嘅常規款式。
首先，必須要分享吓寶琳店嘅開幕限定：極上大吞拿魚腩$12！雖然係開幕特價款式，但壽司郎一啲都冇偷工減料，吞拿魚腩非常肥美，入口即溶。每次有分店開，都值得去瘋狂食大拖羅。
🥰常規款式推介🥰
👍 鮮蝦天婦羅 $12
建議配上隱藏menu食法：自製綠茶鹽。鹽需要order，加上綠茶粉，好有日本風味 🇯🇵
👍 蝦三味 $17
分別係甜蝦、熟蝦、赤海蝦。$17有三件壽司真係好抵食，尤其赤海蝦大大隻。
👍 日本產頂級池魚 $12
新鮮池魚本身魚味重，肉質彈牙，配上薑同葱就無哂腥味，得返鮮味！
👍 香葱赤蝦 $12
香蔥赤蝦上面除咗有大大隻蝦，仲有好香嘅炸葱絲，配上秘製沙律醬同醬汁，炸葱嘅香味會一直停留喺口入邊。
👍 炙燒芝士鮮蝦 $12
芝士同蝦係絕配！再配上沙律醬，唔洗再點豉油都夠晒味。
👍 吞拿魚 $12
吞拿魚非常鮮嫩，唔會好似坊間嘅吞拿魚壽司成塊橡膠咁樣。
👍 燒鱈魚子配忌廉芝士軍艦 $12
燒過嘅鱈魚子充滿咸香，配上忌廉芝士，入口軟滑。
👍 油甘魚 $12
👍 油甘魚天身 $17
油甘魚本身好好食，而油甘魚天身更係稀有部位，壽司郎都唔係成日有㗎 ！肥美又柔軟，見到記得一定要嗌黎試吓！
👍 海膽拌麵 $32
海膽拌麵雖然唔係常規Menu，但最近半年都經常出現。海膽汁香濃，撈拉麵完全停唔到口。
👍 卡達拉娜 $22
壽司郎皇牌甜品🥰 表面有燒過嘅脆脆焦糖，下層係軟滑嘅custard。卡達拉娜成日都會推出唔同口味，我次次都會食。
📍 壽司郎
將軍澳貿業路8號新都城中心三期2樓201-202號舖
張貼
