王林記潮州魚蛋粉麵

營業中

休息中

之前食過午餐，感覺唔錯，帶家人來食晚餐。家人選了淨韮菜餃，這個份量足又足料，而且好食。另外，叫左兩個晚上才有的鑊仔，一牛一魚。牛這個有清湯牛腩、五香牛腩、牛丸、冬菇、蘿蔔、黃芽白、粉絲，本來是配飯的，但店員話可以改湯麵。整體份量係多到一個人都食唔哂，好'大鑊'味道都好食，牛腩唔痴牙，配菜勁多。另外一個係魚，有魚肚、魚唇、香蔥魚旦、冬菇、蘿蔔、黃芽白，都係唔要白飯，轉了粗麵。份量又係好多，魚肚都有3大舊，魚唇有兩大塊，都係抵食的而且兩個鑊仔都包一杯熱飲，熱咖啡都唔錯。四個人都夠食，每人都唔使$50，性價比高