Wingman (船街) (已結業)

同事介紹 WingMan食雞翼，貪佢夠多花款又夠創意。老實講地點有少少難搵。唔係同事帶路，都未必識黎，啱啱喺地盤旁邊，再上幾級先到。疫情期間， 竟然全個餐廳爆滿，唯有叫外賣去同事屋企食。外賣都有好處，可以平食個dinner set for two。只係$188 就有18隻雞翼(可以選擇三個口味 )兩個side dish及兩罐汽水， 真係價廉物美。睇睇menu，口味都幾特別，仲分乾濕雞翼日本蜂蜜芥辣三款入面，我最鍾意這款味道。 有wasabi的香味，但不會攻鼻。 配上日式子薑，好特別， 好有日本風情畫。紐奧良香粉屬乾身雞翼，香料味重，有少少似印度香料， 內裏仍很juicy。黑芝麻海鮮蜂蜜海鮮醬加蜜糖再配香口芝麻。甜甜地又香香地。另外side dish叫了燒茄子及牛油瓜原來茄子都係餐廳的王牌。 一試就難以忘懷。茄子掃上日式麵豉醬去燒。皮脆肉嫩，配上炸香咗的乾蒜，紫菜等。 非常惹味。