影片
更多
2008-11-13
14 瀏覽
師傅又懶左一段日子, 而食評亦累積到有點兒不勝負荷, 唯有的起心肝勤力少少啦; 今次就打個靚尖寫左呢個食評先啦! 話說師妹回港, 咁師傅當然要同佢食番一餐啦, 於是問下師妹有咩想食啦, 佢諗都唔使諗就話要食拉麵, 咁師傅嗰一刻個腦裡面淨係諗起橫綱, 本來打算去; 但同好友食家"乜都放入窿"閒談, 佢問師傅點解唔試下呢間食店呢? 係喎呢間食店新開張一段短時間, 加上食店比橫綱更近, 於是就黎試下啦! 為免師妹詐型, 師傅先旨聲名呢間食店從未試過架! 星期六晚, 冇訂位(唔知可唔可以訂), 去到食店好彩唔係好多人, 所以唔使點等位, 正! 一坐底當然係睇下有咩好食啦, 點知都未睇, 個侍應就主動行埋黎介紹, 話呢間食店主打係食叉燒, 而湯底係分牛骨湯同豬骨湯, 然後師傅又再睇下有咩好食喇! 最後師傅柯打左碗元祖激辣拉麵, 而師妹就揀左胡椒風味拉麵! 由於人唔算太多, 所以等左大約五分鐘到就有得食喇! 先睇下兩碗拉麵嘅賣相, 賣相真的不俗, 而且幾吸引, 趁師妹未起筷, 師傅第一時間試下佢個胡椒湯底先, 發覺真係好重胡椒味, 幾濃不過幾好味, 唔錯; 再到師傅試下自己個元祖激辣拉麵, 湯底真
為免師妹詐型, 師傅先旨聲名呢間食店從未試過架! 星期六晚, 冇訂位(唔知可唔可以訂), 去到食店好彩唔係好多人, 所以唔使點等位, 正! 一坐底當然係睇下有咩好食啦, 點知都未睇, 個侍應就主動行埋黎介紹, 話呢間食店主打係食叉燒, 而湯底係分牛骨湯同豬骨湯, 然後師傅又再睇下有咩好食喇!
最後師傅柯打左碗元祖激辣拉麵, 而師妹就揀左胡椒風味拉麵! 由於人唔算太多, 所以等左大約五分鐘到就有得食喇! 先睇下兩碗拉麵嘅賣相, 賣相真的不俗, 而且幾吸引, 趁師妹未起筷, 師傅第一時間試下佢個胡椒湯底先, 發覺真係好重胡椒味, 幾濃不過幾好味, 唔錯; 再到師傅試下自己個元祖激辣拉麵, 湯底真係幾激辣, 不過咁先啱晒師傅口味; 又再試下呢間食店嘅主打 - 叉燒, 叉燒切得薄薄, 加上肉質鬆身, 口感一絕, 正呀!
而每碗拉麵都會有半隻溏心鹵蛋, 溏心鹵蛋係非常軟熟, 加上蛋黃唔係實的的, 真係好好味, 係非筆墨所能形容, 而當師傅食完碗內嘅溏心鹵蛋後, 不禁向師傅提出要加單, 柯打多一客溏心鹵蛋, 原來溏心鹵蛋係有凍食同熱食之分, 凍食既溏心蛋原來係前菜, 但質素依然出色, 真係好好味, 師傅更偏向凍食! 再講番碗拉麵, 拉麵睇落份量好似好細碗, 但當師傅食到咁上下時, 都發覺幾飽, 一d都唔少呀, 而拉麵又煮得煙煙韌韌, 配上芽菜夠爽口, 而且不腥加上份量極多, 口感一流! 值得一提係碗拉麵上有幾粒花生, 而呢幾粒花生亦令個湯底更加香, 好得喎!
總括黎講食物質素絕對出色, 服務態度頗佳, 加上環境清潔乾淨, 淨係呢幾項已經值回票價, 再加上價錢唔貴, 兩個人埋單唔使九十蚊, 冇加一, 絕對抵食; 師傅覺得如果呢間食店能繼續以呢個經營手法, 同埋維持高質素嘅食物水準, 相信必定能生意大旺, 到時可能橫綱都唔係八王子嘅手腳!
睇見師妹吃得津津有味, 同埋咁開心就知今次冇搵錯地方喇; 如果呢一刻比師傅揀的話, 師傅一定會揀八王子, 點解? 最主要原因係佢夠近同埋唔使排隊, 淨係呢兩樣已經值得再黎啦, 笑臉點可能唔比呢?
張貼
