影片
更多
2008-10-24
5 瀏覽
本來就係一個大閘蟹嘅飯局, 但係因為人數太少, 所以好友亨利就提議攪個迷你飯局, 師傅當然舉手讚成啦; 飯局地方由師傅選擇, 左揀加揀最後師傅就揀左呢間食店, 飯局由完本三人變為五人再變為七人!訂定枱, 準時去到, 估唔到呢間食店有兩層, 入到去再落一層先可以坐底; 入到去感覺都幾舒服, 仲要有間房仔, 唔錯; 坐底後由於食神夫婦仲未到, 所以另一位封左筆嘅食家"今餐食乜好"就柯打左幾樣餐前小食, 有燒雞泡魚乾, 酒盜芝士, 冷奴, 雜錦漬物同埋瑩光魷魚! 邊等人又邊食物, 結果都係食物先到; 既然係咁就即刻開餐啦, 師傅先試下個燒雞泡魚乾, 雞泡魚乾燒得幾香口, 甜甜地但又唔乾身, 好味; 酒盜芝士又係一絕, 芝士係好夠酥香, 入口又即溶, 再加埋少少豆板醬, 辣辣地都幾好味; 冷奴即係凍豆腐, 坦白講師傅食唔出有咩特別, 淨係覺得幾滑口; 而雜錦漬物同埋瑩光魷魚師傅試過就唔多鍾意喇, 雜錦漬物係d蘿蔔, 蒜等等組合而成, 而瑩光魷魚味道帶苦, 加上有少少渣, 唔得! 小食差唔多食晒, 食神夫婦終於到喇; 人齊就自然要柯打多d野食啦, 大家商量左一陣, 最後柯打左八王子鮮牛柳薄切,
訂定枱, 準時去到, 估唔到呢間食店有兩層, 入到去再落一層先可以坐底; 入到去感覺都幾舒服, 仲要有間房仔, 唔錯; 坐底後由於食神夫婦仲未到, 所以另一位封左筆嘅食家"今餐食乜好"就柯打左幾樣餐前小食, 有燒雞泡魚乾, 酒盜芝士, 冷奴, 雜錦漬物同埋瑩光魷魚!
邊等人又邊食物, 結果都係食物先到; 既然係咁就即刻開餐啦, 師傅先試下個燒雞泡魚乾, 雞泡魚乾燒得幾香口, 甜甜地但又唔乾身, 好味; 酒盜芝士又係一絕, 芝士係好夠酥香, 入口又即溶, 再加埋少少豆板醬, 辣辣地都幾好味; 冷奴即係凍豆腐, 坦白講師傅食唔出有咩特別, 淨係覺得幾滑口; 而雜錦漬物同埋瑩光魷魚師傅試過就唔多鍾意喇, 雜錦漬物係d蘿蔔, 蒜等等組合而成, 而瑩光魷魚味道帶苦, 加上有少少渣, 唔得!
小食差唔多食晒, 食神夫婦終於到喇; 人齊就自然要柯打多d野食啦, 大家商量左一陣, 最後柯打左八王子鮮牛柳薄切, 八王子卷, 燒蠔, 梅子蘇卷, 燒雞皮, 串燒牛舌, 燒鰻魚, 雞肉大蔥串, 八王子沙律, 蔥花吞拿魚腩手卷, 八王子西京燒, 和風海膽醬炒烏冬, 蟹肉炒飯同埋飯團!
坦白講每樣食物份量都幾細少, 每道菜都係啱啱好夠夾咁; 先講下個八王子鮮牛柳薄切, 賣相好靚, 而牛柳真係切得好薄, 而肉質好鬆好入味, 正呀; 八王子卷師傅唔覺得有咩特別, 普通啦; 而燒蠔嘅蠔身都幾細隻, 師傅覺得似蠔屎多d, 不過就幾新鮮加上冇燒得過火, 好味; 梅子蘇卷入口勁酸, 師傅就唔多鍾意!
燒雞皮就燒得一d都唔香唔脆, 而且幾硬下, 攪到雞皮唔似雞皮, 好差; 串燒牛舌就燒得好好多, 牛舌入味夠爽口, 口感唔錯; 燒鰻魚又係燒得好香, 加上鰻魚又好靚, 好滑兼唔腥, 真係好好味; 雞肉大蔥串嘅雞肉就好鬆身好入味, 可以喎; 八王子沙律師傅就冇咩點食到, 但賣相好青綠好吸引, 應該都唔差嘅; 蔥花吞拿魚腩手卷細細舊, 吞拿魚腩又唔腥, 而且好好味, 一啖一舊勁正!
最後仲有八王子西京燒, 起初八王子西京燒仲以為係銀雪魚, 點知原來係雞翼, 不過用燒銀雪魚嘅方法黎燒雞翼, 又真係幾特別, 而且雞肉仲要冇骨, 啖啖肉勁好味; 和風海膽醬炒烏冬師傅就食唔到任何海膽味喇, 不過烏冬就炒得好好味, 而且烏冬煙煙韌韌, 真係唔錯; 至於蟹肉炒飯就炒得好乾身, 不過炒飯完全冇黎味道, 都唔知食緊咩; 而飯團就燒得脆卜卜, 都真係幾好味喎!
總括黎講食物質素都算出色, 而環境優美, 真係幾有日本情調, 加上有間房仔, 好似私人派對咁, 服務殷勤有禮, 加上有又有靚女侍應, 加分, 而價錢都算中價啦, 七個人埋單每人都係二百一十五蚊, 可以啦; 值得一提係個餐牌有少少誤道成份, 皆因餐牌裡面嘅相片係有八件蔥花吞拿魚腩手卷, 但實際柯打後一客係得四件, 咁樣有d老點; 師傅初會八王子感覺都唔錯, 有機會下次一定會再黎,笑臉係值得一比!
張貼
