影片
更多
2019-02-28
91 瀏覽
久聞《海底撈火鍋》嘅服務非常好，一直未有時間去食，呢晚終於可以同個朋友仔嚟體驗下。餐廳位於銅鑼灣利舞臺廣場19/F。一出Lift已經見到餐廳門口擺放咗梳化櫈、生果、糖水畀等位嘅食客享用。仲有氣球贈送畀小朋友，女仕們甚至可以免費享用呢度嘅 gel 甲服務。😍😍😍餐廳環境十分寬敞，服務員好有禮貌咁一邊帶我哋入坐一邊介紹醬料區嘅位置。醬料區設有免費糖水、涼拌小食及生果供客人享用。另外亦提供多款醬料，醬料費$18/位。一坐低服務員先送上髮卷、圍裙、擦mon濕紙巾及透明袋畀我哋入住個手提電話，咁體貼，未食都已經先加分！湯底方面，我哋揀咗清油麻辣火鍋拼番茄火鍋。服務員見我哋人數唔多，主動建議我哋將兩款湯底由各二分一嘅“拼鍋”改造各四份一格嘅“四宫格”，另外兩格改為做清水。服務員話因為咁樣用嘅湯底料會比較少，價錢亦相對比較平。果然咁樣改一改，即刻慳返$62。👍👍👍趁個鍋底未上枱，先試下呢度啲免費嘅涼拌小食、生果、糖水、雞湯，雖然係免費，但係都真係幾好味下。飲品方面，每人只要畀$15，就可以任飲金桔檸檬。凍檸茶或熱豆漿。好快湯底就上枱，清油麻辣火鍋，夠麻夠辣；番茄湯底亦夠番茄味。服務員仲話，如果覺得湯
餐廳位於銅鑼灣利舞臺廣場19/F。一出Lift已經見到餐廳門口擺放咗梳化櫈、生果、糖水畀等位嘅食客享用。仲有氣球贈送畀小朋友，女仕們甚至可以免費享用呢度嘅 gel 甲服務。😍😍😍
餐廳環境十分寬敞，服務員好有禮貌咁一邊帶我哋入坐一邊介紹醬料區嘅位置。醬料區設有免費糖水、涼拌小食及生果供客人享用。另外亦提供多款醬料，醬料費$18/位。
一坐低服務員先送上髮卷、圍裙、擦mon濕紙巾及透明袋畀我哋入住個手提電話，咁體貼，未食都已經先加分！
湯底方面，我哋揀咗清油麻辣火鍋拼番茄火鍋。服務員見我哋人數唔多，主動建議我哋將兩款湯底由各二分一嘅“拼鍋”改造各四份一格嘅“四宫格”，另外兩格改為做清水。服務員話因為咁樣用嘅湯底料會比較少，價錢亦相對比較平。果然咁樣改一改，即刻慳返$62。👍👍👍
趁個鍋底未上枱，先試下呢度啲免費嘅涼拌小食、生果、糖水、雞湯，雖然係免費，但係都真係幾好味下。
飲品方面，每人只要畀$15，就可以任飲金桔檸檬。凍檸茶或熱豆漿。
好快湯底就上枱，清油麻辣火鍋，夠麻夠辣；番茄湯底亦夠番茄味。服務員仲話，如果覺得湯底唔夠味，仲可以隨時要求加辣或加番茄。鍋邊四週仲設有吸風位抽走蒸氣，食完都唔怕個身有陣味。
火鍋食材隨即送到，服務員仲會好細心咁介紹每一樣食材嘅建議渌嘅時間，有呢個參考就唔怕啲嘢食煮到老曬啦。
手切牛小排 ($94/半份) - 肉質新鮮有光澤，爽口得嚟牛味濃郁。
西班牙梅豚肉 ($168/份) - 色澤鮮紅，油脂平均，豬肉味濃郁鮮甜。
撈派滑牛肉 ($49/半份) - 肉質新鮮，口感十分滑溜。
撈派毛肚 ($64/半份) - 建議渌15秒，口感爽脆。
撈派鴨腸 ($78/份) - 新鮮有光澤，渌完索咗湯底嘅味道好好食。
招牌蝦滑 ($54/半份) - 爽口彈牙蝦味濃郁。服務員仲特意送上點蝦滑嘅豉油畀我哋，夠曬貼心。
撈派豆花 ($34/半份) - 豆味濃郁，爽口得嚟有質感。
響鈴卷 ($14/半份) - 香口鬆化，每次打邊爐必食。
長生菜 ($14/半份) - 新鮮爽脆。
撈麵 ($18/條) - 師傅會喺客人面前即席表演將麵糰拉成麵條。見師傅將麵糰喺空中一拋一收又畫圈又轉身，三兩下手勢，就已經將麵條拉好。麵條食落滑溜之中帶少許煙韌，有得食又有得睇表演，必點！
食到八點鐘，突然音樂響起，原來係有師博出嚟表演變臉，整個餐廳嘅氣氛又更加熱絡！
食飽飽，埋單時仲送上雪米糕及薄荷糖，又一次加分！
呢度打邊爐環境好、味道好、服務更加十分週到，整體嘅用餐體驗非常好！👍
張貼
