燒肉 帝 (已結業)

早前同朋友去將軍澳踩單車入康城，踩完緊係要食返餐好🥳 我哋揀咗康城嘅「燒肉帝」，呢度有多個燒肉套餐，仲有壽喜燒等選擇😋 我哋揀咗燒肉Set D，仲送甲羅燒添🦀！牛肉🐮牛肉方面選擇非常多！和牛就有「M7 澳洲和牛肉眼蓋」、「M6 澳洲和牛肩胛肉眼」、「A5 日本黑毛和牛三角」三款，我最鍾意係黑本黑毛和牛三角！佢嘅油脂豐富，香氣喺成個口腔散發，同時不失牛味嘅香濃，完美平衡😚💓！另外仲有其他多種牛肉：「日式胸腹肉」、「牛板腱」、「封門柳」、「牛舌」、「牛頸脊」、「一口牛柳粒」、「牛小排」、「牛肋條」⋯你諗得出嘅都有！我自己覺得呢度嘅牛肉都係偏濃郁，牛味好勁！我自己好鍾意😍😋！值得一提係呢度有超多醬料選擇，連炸蒜片都係任食，配燒牛肉就最啱喇🥰雞肉🐥除咗牛肉，我平時都好鍾意食雞肉㗎！今次嚟到燒肉帝就食咗「雞脾肉」、「雞翼」、「雞柳」、「雞胸軟骨」⋯ 雞脾肉同雞翼都好好食😋 佢哋嘅肉比較嫩，雞翼調味有少少甜甜哋，好啱我口味💓海鮮🦞呢度嘅特色之一係有好多海鮮！我哋就燒咗「鰻魚」、「蝦」、「汁煮東風螺」、「魷魚筒」、「牛油廣島蠔」、「蒜蓉燒半殼帶子」，呢啲都係任叫😍😍 我推薦東風螺！調味甜甜哋好開胃，