Ocean Paradise Restaurant (已結業)

今日係復活節長假期嘅第一日，入到西貢人山人海，想搵一間價錢親民嘅餐廳，路過呢間小店，見到餐牌好似頗有特色便入去試試。店員同老闆娘都好熱情，我哋兩個人叫咗一份白咖喱墨魚餅飯，同埋一份椰香荔枝烤鴨飯。白咖喱好香，墨魚餅好厚啖啖肉，脆炸不油膩；椰香荔枝烤鴨飯，烤鴨皮脆肉嫩，椰香荔枝汁有少少似喇沙同馬沙文咖喱味道，加上荔枝肉嘅酸甜清新，味道平衡不錯。兩個汁送飯都一流。午餐包餐湯，上餐時亦伴以沙律菜，仲有杯餐飲。食物份量和質素都誠意十足。假期餐牌會加左$10，不過都只係大概$70-80左右一個餐，綜合呢到的食物質素、味道、環境、服務，呢個價錢絕對係抵食。下次會再去試試其他菜式！