影片
更多
2017-03-14
76 瀏覽
今日同朋友去開觀塘咁岩係open rice到搵到間叫米克.諾斯既餐廳。聽講個到係以希臘為主題，見咁得意就上左去睇下。一上到去果然真係好有希臘風情。牆上面都掛左好多希臘既相，而且成間餐廳既佈置都係以藍白色為主題，令我諗番起之前去santorini既假期。首先，前菜分別點左蜜桃煙三文魚凱撒沙律同蟹肉羅刺番茄湯。一黎到個蜜桃煙三文魚凱撒沙律就忍唔住要幫佢影翻張相，因為佢係用一個玻璃樽放住，淨係個賣相已經加分，我仲搖左個樽幾下添，而裹面啲三文魚同沙律菜都好新鮮。而個蟹肉羅刺番茄湯，一黎到已經聞到好香，而且仲有個包可以點黎食潻。而湯方面佢成個湯都係番茄容黎，再加小小蟹肉，唔會好水，能帶出番茄同蟹肉既鮮甜味。Main course就分別叫左白酒燴雞香草闊條麵同燉牛肋肉伴烤羅馬生菜野米飯。我個人就好鐘意牛肋肉果款，燉得好冧好入味，野米飯又夠哂健康，成碟都好岩我口味！我朋友個闊條麵都好香，但就略嫌雞唔夠滑。兩碟main course都整得好靚，一黎到我同我朋友都唔捨得食，要相機食先，睇得出落左唔少心思。除左美觀，份量都好足，食到臨尾都有8成飽，不過又點可以放過食甜品既機會呢，加左15蚊叫左甜品，係栗子
首先，前菜分別點左蜜桃煙三文魚凱撒沙律同蟹肉羅刺番茄湯。一黎到個蜜桃煙三文魚凱撒沙律就忍唔住要幫佢影翻張相，因為佢係用一個玻璃樽放住，淨係個賣相已經加分，我仲搖左個樽幾下添，而裹面啲三文魚同沙律菜都好新鮮。
而個蟹肉羅刺番茄湯，一黎到已經聞到好香，而且仲有個包可以點黎食潻。而湯方面佢成個湯都係番茄容黎，再加小小蟹肉，唔會好水，能帶出番茄同蟹肉既鮮甜味。
Main course就分別叫左白酒燴雞香草闊條麵同燉牛肋肉伴烤羅馬生菜野米飯。我個人就好鐘意牛肋肉果款，燉得好冧好入味，野米飯又夠哂健康，成碟都好岩我口味！
我朋友個闊條麵都好香，但就略嫌雞唔夠滑。兩碟main course都整得好靚，一黎到我同我朋友都唔捨得食，要相機食先，睇得出落左唔少心思。除左美觀，份量都好足，食到臨尾都有8成飽，不過又點可以放過食甜品既機會呢，加左15蚊叫左甜品，係栗子tart同tiramisu tart，兩件小小既甜品為美滿既一餐劃上完美既句號。
另外，menu仲寫住白飯仼添，大食之人可以盡情食飯。
張貼
