影片
更多
2008-11-25
7 瀏覽
朋友都話呢間食店好正好正, 睇到呢度人人食評都唔錯, 所以一家人走左去試下啦。環境: 好迫囉...我一家中等 - 大份身型, 食野果時動作大d都怕撞爛後面個假牆。刺身:坐低就點住小小野等齊人, waiter好hard sell我地叫個刺身拼盤, 諗住咩都試下啦, 點知唔好食又唔新鮮! 個心都打左個突。之後人齊試下散叫刺身, 差好遠.....新鮮好多~基本上我覺得個帶子刺身係真係正之外, 其他都真係好一般, 可能真係我對呢間野期望過高啦。燒物: 再試下d燒物, 反而d燒物真係唔錯。牛肉 - (推介) 火侯控制得好好, 基本都keep到5成熟左右, 有肉汁好咬口, 味道好!蠔 - 好味~ 不過唔係隻蠔有鮮味, 而係佢d配菜配得好好, 唔知係咪配菜味道太搶, 我真係食唔到蠔既鮮味~ 不妨試下!鮑魚 - 初時以為係好細隻果d, 但suprise佢個份量ok架噃!火鍋:開頭打算要個海鮮湯底, 個waiter解釋話個湯真係湯, 而我地要order d海鮮落去先叫海鮮湯底, 都真係幾攪笑。我地見咁麻煩都係叫個豬骨算喇。火鍋料都真係唔錯, 乾淨又新鮮!甜品:個芝麻雪糕好普通之嘛, 都唔似d人講到咁好
環境: 好迫囉...我一家中等 - 大份身型, 食野果時動作大d都怕撞爛後面個假牆。
刺身:
坐低就點住小小野等齊人, waiter好hard sell我地叫個刺身拼盤, 諗住咩都試下啦, 點知唔好食又唔新鮮! 個心都打左個突。
之後人齊試下散叫刺身, 差好遠.....新鮮好多~
基本上我覺得個帶子刺身係真係正之外, 其他都真係好一般, 可能真係我對呢間野期望過高啦。
燒物:
再試下d燒物, 反而d燒物真係唔錯。
牛肉 - (推介) 火侯控制得好好, 基本都keep到5成熟左右, 有肉汁好咬口, 味道好!
蠔 - 好味~ 不過唔係隻蠔有鮮味, 而係佢d配菜配得好好, 唔知係咪配菜味道太搶, 我真係食唔到蠔既鮮味~ 不妨試下!
鮑魚 - 初時以為係好細隻果d, 但suprise佢個份量ok架噃!
火鍋:
開頭打算要個海鮮湯底, 個waiter解釋話個湯真係湯, 而我地要order d海鮮落去先叫海鮮湯底, 都真係幾攪笑。我地見咁麻煩都係叫個豬骨算喇。
火鍋料都真係唔錯, 乾淨又新鮮!
甜品:
個芝麻雪糕好普通之嘛, 都唔似d人講到咁好味, 我嫌佢甜得濟。
芒果味仲好食過佢。
會唔會再黎呀? 你會唔會再花三百幾蚊去食燒物同個火鍋丫?
真係要諗諗喇。
張貼
