亞萊嘜嘜 (已結業)

是晚於荃灣揾食。知道呢間泰國菜口碑幾好，一於試試。環境相當唔錯。座位佈局好好，所有枱都有自己空間。就算唔係卡位，都唔會有同陌生人搭枱既感覺。抵讚！泰式咸肉炒椰菜苗我唔知甚麼是泰式咸肉，但我見到同食到都係我所認知既港式燒肉。不過都係好食既。椰菜苗生熟度剛剛好。海南雞飯雞幾滑，但唔夠味。飯夠色，但都係唔夠味。麻麻地。焗泰式黃咖喱牛肉農夫包咖喱汁好香，幾好食。牛肉醃到淋哂，完全無牛肉味。而且牛肉份量好少。麵包配咖喱汁係好食，可惜麵包焗得唔夠耐，唔夠乾身。呢個菜式跟較剪一齊上枱，方便剪麵包點咖喱汁食。夠細心！整體一般。但開業唔係好耐，希望下次會有進步。