名館 (希慎廣場) (已結業)

覓食來到希慎廣場，原本喺14樓宜家搬到12樓嘅『名館』係我今晚的選擇，居高臨下，出邊的黄昏景，樓景，街景真係好吸引。首先來個清心潤肺的『糖心黑蒜海底椰豬展湯』，佢用個茶壺盛住，兩個功夫茶杯就係湯碗，幾得意，斟茶，唔係，斟湯，斟出第一杯，已feel到好鮮甜嘅湯，事關湯内除咗有黑蒜，豬展之外，仲有雞肉同埋螺頭。而從來不食蒜頭嘅我今次食咗黑蒜，好甜，好滋味。『冰鎮鮮菠蘿咕嚕肉』，個樣超靚，有煙霧圍繞住菠蘿，而且今年勁多菠蘿供應，因此有新鮮菠蘿嘅咕嚕肉肯定好過罐頭菠蘿吖。點心喺夜晚出現唔係太多餐館有，揀咗呢個有『蘿蔔絲酥餅』，『杞子笑』，『蝦餃』『竹笙餃』及『炸鮮奶』的『精緻點心拼盤』實在太滿足。『名館厚切叉燒皇』和『金银蒜銀魚蒸勝瓜』也好好吖，開心又滿足的一餐。