coffeeflow (已結業)

💡市區慢活咖啡首選放假想慢活一下，未必一定要去到郊區，原來鬧市之中都有間好特別嘅cafe，就係係充滿歷史文化氣息嘅饒宗頤文化館入面。文化館是歷史嘅三級建築物，除咗欣賞展覽外， 喺滿佈植物的環境下嘆咖啡，真係放鬆身心嘅好地方。🍽 秘製龍蝦包配沙律賣相好精緻吸引！沙律菜好新鮮，撈埋醬汁食更清爽。龍蝦麵包外層經過烤焗，食落外脆內鬆軟，中間夾左好多龍蝦肉，配埋酸酸甜甜既龍蝦醬汁，更加開胃，好惹味😋🍽 招牌龍蝦仔白汁意粉一上枱就比大量嘅龍蝦肉吸引住😍 啖啖意粉都有新鮮嘅龍蝦肉，一啲都唔霉！配菜仲有翠綠嘅露筍，好新鮮，食落好爽脆。 彈牙既意粉配埋好creamy嘅龍蝦白汁，好濃郁，陣陣龍蝦味徘徊喺口腔入面。整體黎講白汁有少少咸， 如果淡返少少就更加正。🍽 柚子檸檬奇亞籽梳打呢杯係限定特飲，特飲入面有柚子蜜， 加埋新鮮檸檬汁，兩者混合埋出奇哋夾，好fresh嘅感覺，用梳作做base，啱曬而家夏天飲！另外，配埋非常健康嘅奇亞籽，怕肥都可以成杯飲曬🤣🍽 鮮奶咖啡咖啡賣相好有格調！飲落幼滑，咖啡味濃郁，表現唔錯！ps/想靜靜三五知己一齊傾計、打卡，就一定要黎！cafe入面仲好多小金句俾大家慢慢發掘，一齊感悟