福來居(牛記)海鮮飯店

營業中

休息中

尋晚落開旺角，行行下就黎到呢間舖，問阿叔有冇位佢指我地去左對面馬路另一個舖坐低，於是問個阿姐拿菜牌，佢話無菜牌，然後一輪咀咁介紹一咋海鮮菜式，我於是望下四面牆寫乜，全部海鮮，最後唯有叫左半隻菜膽雞、炒蜆同蒸班頭腩。最先黎既係例湯，送既，幾好味唔錯，然後其他野都黎埋，碟雞幾滑但無乜雞味，碟炒蜆幾惹味、魚新鮮味道亦唔錯，見唔少人食好大隻蟶子，埋單三舊幾，可以接受。不過無菜牌對我呢d新客真係好唔慣，同埋環境好嘈，想靜靜地食飯就咪黎啦。