影片
更多
2020-01-15
65 瀏覽
個人幾鐘意食串燒，因為可以飲住啤酒同朋食住串燒傾計😋今日出開尖沙咀串燒癮起，見到呢間食評唔錯一於試下佢係山林道一條巷仔入面，幾特別而且唔難搵有分室外同室內，呢個天氣坐室外其實幾舒服位置唔算多，但尚算寛敞，坐得都舒服點餐紙大大張都幾多選擇，雞牛羊豬海鮮蔬菜小食樣樣齊，仲有是日推介，有啲眼花撩亂😝呢到既手工啤最出名，係用本地粗口命名既手工啤每隻味道都唔同，非常特別😍聽講當歸同桂圓最多女仔叫，因為比較順滑 易入口可惜食緊成藥唔飲得酒，下次會再黎試桂圓😆我地落左單叫串燒，唔算等好耐就有得食札幌芝麻香燒雞翼札幌醬汁調味幾好燒汁香味足夠，食落咸香味好突出好惹味👍🏻雞翼都幾大隻，肉質都夠滑嫩唔會鞋醬燒牛油粟米呢到既醬汁係唔錯，咸甜咸甜好開胃燒粟米🌽牛油味超香濃，入口滿滿既牛油香佢既燒汁配粟米幾夾，唯一係牛油+燒汁會油左少少日式芝左焗玉子玉子上面有滿滿一層燒過既芝士玉子微甜但唔算好香蛋味，芝士味反而濃啲 玉子軟嫩配番有口感既芝士幾夾個人幾鐘意個蛋黃醬，食得出有加檸檬🍋調製過個蛋黃醬，微酸，配埋柴魚乾唔錯👍🏻蒜蓉燒茄子🍆（左）燒茄子🍆係食串燒必點😌蒜蓉量非量夠，燒得夠熟，夠蒜香味之餘又唔會好嗆配柴魚增加
今日出開尖沙咀串燒癮起，見到呢間食評唔錯一於試下
佢係山林道一條巷仔入面，幾特別而且唔難搵
有分室外同室內，呢個天氣坐室外其實幾舒服
位置唔算多，但尚算寛敞，坐得都舒服
點餐紙大大張都幾多選擇，雞牛羊豬海鮮蔬菜小食樣樣齊，仲有是日推介，有啲眼花撩亂😝
呢到既手工啤最出名，係用本地粗口命名既手工啤
每隻味道都唔同，非常特別😍
聽講當歸同桂圓最多女仔叫，因為比較順滑 易入口
可惜食緊成藥唔飲得酒，下次會再黎試桂圓😆
我地落左單叫串燒，唔算等好耐就有得食
札幌芝麻香燒雞翼
札幌醬汁調味幾好
燒汁香味足夠，食落咸香味好突出好惹味👍🏻
雞翼都幾大隻，肉質都夠滑嫩唔會鞋
醬燒牛油粟米
呢到既醬汁係唔錯，咸甜咸甜好開胃
燒粟米🌽牛油味超香濃，入口滿滿既牛油香
佢既燒汁配粟米幾夾，唯一係牛油+燒汁會油左少少
日式芝左焗玉子
玉子上面有滿滿一層燒過既芝士
玉子微甜但唔算好香蛋味，芝士味反而濃啲
玉子軟嫩配番有口感既芝士幾夾
個人幾鐘意個蛋黃醬，食得出有加檸檬🍋調製過個蛋黃醬，微酸，配埋柴魚乾唔錯👍🏻
蒜蓉燒茄子🍆（左）
燒茄子🍆係食串燒必點😌
蒜蓉量非量夠，燒得夠熟，夠蒜香味之餘又唔會好嗆
配柴魚增加番啲口感，茄子夠腍又唔會油
但就細條左啲，茄子本身偏瘦無咩肉
食串燒當然唔少得食肉啦🤤
左：燒雞軟骨
佢寫川式本身都驚佢辣，原來係落左孜然做調味
雞軟骨燒到好脆好香口，加埋孜然好惹味😋
中：鹽燒安格斯牛柳粒
份量比想像中少，不過牛味係幾夠，調味都唔錯
右：祕製醬汁燒豬頸肉
再一次佢地醬汁係唔錯😋配豬頸肉幾夾
豬頸肉肉質偏厚實，油脂唔算多
燒秋葵及露荀煙肉卷
左邊既秋葵調味好勁好香，欣賞佢食落無渣，不過略嫌唔夠地
露荀煙肉卷幾好食，用左BB露荀比較爽脆無渣，而且露荀份量幾多，夾埋咸香既煙肉係好好既配搭
蒜蓉牛油🧈焗蔬菜
以為係雜菜原來係西蘭花🥦
牛油味非常香濃，蒜蓉汁都好夠咸
西蘭花點滿佢個牛油蒜蓉汁好好食😋
西蘭花莖唔會好硬好多渣👍🏻
總括而言，食左多野都唔洗$500價錢都唔貴
環境幾好算舒服，食物調味唔錯係唔夠熱辣辣
會想再黎試下佢啲粗口手工啤
張貼
