巷仔見麵館 (軒尼詩大廈) (已結業)

今日喺銅鑼灣放lunch，行過天橋時見到有新開嘅冰室，咁就一於同朋友試試佢！呢度位置都唔少，坐得都幾舒適！我哋一坐低就點咗佢嘅招牌，巷仔十寶之一嘅火炙芝士雞扒包，一上嚟見到佢嘅份量好大，件雞扒都十分之厚實，聞到好香嘅雞扒味，果然呢個包係佢地嘅招牌，食落完全唔輸麥當勞，好香芝士味！另外我哋都點咗份蜜汁燒豬頸肉，啲豬頸肉有燶邊，食落口感好有咬勁，啲蜜汁好入味，呢個簡直送飯一流！成餐最驚喜嘅就係佢哋嘅乳鴿，冇諗過係一間冰室入面可以食到咁好味嘅乳鴿，佢哋呢度嘅乳鴿完全都唔輸平時喺茶樓食到嘅，燒到好入味，肉一啲都唔鞋，完全係超越我想像！我哋成餐都無點到主食，我哋淨係點咗唔同嘅小食，佢哋嘅蝦多士都炸到好酥脆，隻蝦都好大隻，而家一啲唔油！ 不過佢哋嘅燒賣魚蛋就差咗少少，呢個巷仔小食個麻辣雲吞真係要必試！同時佢哋呢度都有一啲特飲提供，我就試咗呢個黑糖珍珠奶茶，你杯奶茶嘅甜度適中，而啲珍珠都好爽口，我哋食完成餐飯之後都有嗌咗個甜品來結尾，佢哋嘅甜品嘅種類都唔少，主打就係呢啲仙草同芋圓嘅配搭，食落都唔輸出面嘅糖水鋪！係同一間鋪食完飯又可以食埋甜品直落！ 簡直係無得彈！