大碗熊貓

營業中

休息中

朋友發現觀塘巷仔有間小店，主打多款性價比高嘅外賣便當🥡 每日供應指定特價套餐，仲可以用優惠價加配糖水、炸物、小食、飲品等。無論係OL或街坊呢間都係個唔錯嘅選擇。滷水雞翼全家福拼盤飯集齊豬軟骨、牛丸、豆腐、雞蛋、台灣腸等，滷得夠入味，鹹鹹香香，配飯一流。椰香咖喱鹽酥雞台灣腸同樣出色，鹽酥雞唔油唔膩，腸仔一口一條，老少咸宜。估唔到小食都有幾多選擇，豬柳漢堡扒真材實料，比起M記健康好多、餐肉大大塊、炸燒賣外層微微脆，呢個價錢無得輸。記得加埋碗糖水，今日係黑糖冰粉，夠細細份減低邪惡感。